web counter
LEXO PA REKLAMA!

SHKARKO APP

App Store
Google Play

Chelsea-Tottenham, derbi i parë i madh i Premier Leagues/ Tuchel përballë Contes…

2022-08-14 10:57:44, Sport CNA

Në ditën e dytë të Premier League 2022-23 vjen ky derbi i parë i madh mes dy 'Big Six': Chelsea-Tottenham. Një klasike e Londrës Jugore kundër Veriut. Chelsea, i treti në Premierligën e fundit, e nisi atë aktual duke mundur Everton (0-1). Tottenham, i katërti në 2021-22, fitoi 4-1 në Southampton. 

Thomas Tuchel tha se "ne nuk i besojmë" Antonio Contes, edhe nëse trajneri i Tottenham jep ndonjë të dhënë për ekipin e tij dhe shtoi, se Spurs arrijnë në ndeshje në formë më të mirë. Conte, një ish-trajner i Chelseas, beson se kjo e diel është "një provë për të parë se ku jemi në të vërtetë".

Nëse Tottenham do të fitonte, kjo do të ishte fitorja e tyre e dytë në ‘Stamford Bridge’ që nga viti 1992 , kur lindi Premier League. Përveç kësaj, 'blutë' fituan pesë ndeshjet e fundit të ligës kundër Spurs. Kjo shënon, sipas Conte, edhe distancën mes dy skuadrave. Por ky është një tjetër Tottenham.

"Kjo lojë është një vlerësim për ne, për të parë nëse jemi përmirësuar vërtet,"- tha Conte, i cili ishte trajner i Chelseat midis 2016 dhe 2018.

Tuchel pohon, se Spurs "kanë pasur një para-sezon të qetë dhe duket se ata janë përpara, por të jesh përpara nuk do të thotë se do të fitosh garën". Trajneri i Chelseas shtoi se "një ekip i drejtuar nga Conte lufton gjithmonë për gjithçka".





Lajmet e fundit nga