Bylisi gjen trajnerin e ri, zgjidhet ish-kampioni i Partizanit

2023-07-10 19:33:44, Sport CNA

Klubi i Bylisit ka zgjidhur dilemën rreth pankinës së skuadrës ballshiote, e cila nis këtë edicion në Kategorinë e Parë pasi ra nga Superiorja. “Panorama Sport” ka mësuar se në stolin e ekipit ballshiot do të ulet Febron Ziu.

Ish-futbollisti i Partizanit, Besës e Dinamos në vitet ’90, ai ka ndërtuar karrierën e tij edhe jashtë Shqipërisë. ndërsa merrej së fundmi edhe me menaxhimin e futbollistëve. Tani, ai do të drejtojë ballshiotët në këtë edicion, për të tentuar kthimin e tyre në elitë. Ziu ka nisur menjëherë nga puna, duke qenë i pranishëm në stërvitjen e skuadrës ballshiote që ka zbritur në fushë për edicioni e ri.

I formuar në akademinë e Partizanit, ai është shpallur kampion radhazi me U-14, U-16, U-18 dhe me ekipin e parë në vitin 1993. Po atë vit fitoi edhe Kupën e Shqipërisë me të kuqtë. Në Shqipëri ka luajtur edhe me Besën dhe Dinamon teksa ka qenë edhe kapiten i Shqipërisë U-18.

Pastaj është zhvendosur në Spanjë ku ka luajtur me FC Murcia, Albacete dhe Logrones. Më pas, ishte skaut për Espanjol të Barcelonës, e më vonë trajner dhe drejtor sportiv në Ekuador, ku u shpall tri herë kampion. Në sezonin 2018-2019, ai ishte drejtor sportiv i NK Istra 1961 në Superligën e Kroacisë. Febroni është i biri ish-lojtarit të shquar të Partizanit, Astrit Ziut.