web counter
LEXO PA REKLAMA!

SHKARKO APP

App Store
Google Play

Botërori pranë çeljes, arrestohen ata që i dhanë formën

2022-08-22 21:49:09, Sport CNA

Katari përgatitet për fillimin e evenimentit më të madh sportiv në historinë e tij, Botërorin 2022, i cili luhet për herë të parë në Lindjen e Mesme. Misioni i vështirë për realizimin e eventit ka ardhur me shumë problematika për autoritetet vendase.

60 punëtorë të huaj janë arrestuar së fundmi pas protestave të tyre për rrogat e prapambetura. Disa prej tyre janë dëbuar nga vendi 3 muaj para hapjes së Botërorit. Ky nuk është problemi i parë për Katarin teksa deri tani janë mbi 6500 punëtorë të cilët kanë humbur jetën gjatë ndërtimit të stadiumeve, sipas The Guardian.

Ky lajm tronditës ka ngritur shumë grupe për mbrojtjen e të drejtave të njeriut që kanë paraqitur sloganin #BoycottQatar. Ky slogan është ndjekur edhe nga shumë legjenda dhe figura të futbollit si ish-kapiteni i Bayernit dhe Gjermanisë, Philip Lahm i cili ka refuzuar të udhëtojë në Katar. Gjithashtu edhe shumë kombëtare europiane si Uellsi, Belgjika, Hollanda dhe Çekia kanë reaguar fort në mbështetje të viktimave.

Botërori do të ngrejë siparin në datën 20 nëntor me ndeshjen hapëse Katar-Ekuador dhe finalja do të luhet në datën 18 dhjetor. Pritet me interes sesi do të jetë situata gjatë periudhës së eventit me qeverinë e Katarit që ka kërkuar nga tifozët të respektojnë në mënyrë strikte ligjet e vendit të tyre.





Lajmet e fundit nga