web counter
LEXO PA REKLAMA!

SHKARKO APP

App Store
Google Play

E fundit!

x

Barcelona po e monitoron situatën e francezit Rabiot

2023-06-19 13:22:17, Sport CNA

Adrien Rabiot do të mbetet futbollist i lirë më 30 qershor, por ai ende nuk e ka të qartë të ardhmen e tij.

Mesfushori francez ka pasur një vit fantastik me fanellën e "Zonjës së Vjetër", ndoshta më të mirin në karrierën e tij.

28-vjeçari ka zhvilluar 48 ndeshje zyrtare në të gjitha garat ku ka realizuar edhe 11 gola dhe ka asistuar në gjashtë të tjerë.

Kontrata e tij me "Zonjën e Vjetër" skadon më 30 qershor, derisa drejtuesit e gjigantit italian po mundohen ta bindin me një kontratë të re pesëvjeçare.

Rabiot ka në tavolinë ofertën e Juventusit prej shtatë milionë eurosh neto në sezon që është e njëjta sa fiton aktualisht.

Megjithatë, francezi ende nuk u ka kthyer përgjigje torinezëve, pasi po shqyrton edhe ofertat e tjera para se të marrë një vendim përfundimtar për të ardhmen e tij.

"Mundo Deportivo", nga ana tjetër, ka raportuar se Barcelona është duke e monitoruar situatën e francezit dhe është gati t’i ofrojë një kontratë, por jo me pagën që fiton aktualisht Rabiot.

Gjithsesi, për francezin nuk mungojnë interesimet nga Liga Premier, pasi Manchester United e Liverpool janë vënë pas tij si dhe Bayern Munich që e dëshiron transferimin e Rabiot në Bundesligë.





Lajmet e fundit nga