web counter
LEXO PA REKLAMA!

SHKARKO APP

App Store
Google Play

E fundit!

x

Barazimi me Egnatian, Colella: Nuk jam i kënaqur nga skuadra, dua lojën e bukur dhe 3 pikët

2023-04-10 17:16:47, Sport CNA

Barazimi me Egnatian, Colella: Nuk jam i kënaqur nga skuadra, dua

Giovanni Colella ka folur pas barazimit 1-1 në transfertë kundër Egnatias. Edhe pse Partizani ishte shumë pranë fitores, në fund nuk arriti të ndalte furinë e sulmeve të vendasve.

Italiani u shpreh deri diku i kënaqur me paraqitjen e ekipit të tij, megjithatë synon dhe shpreson që në ndeshjet e mbetura skuadra mos të lërë pikë. Në prononcimin e zakonshëm pas sfidës, për mikrofonin e Oversport, Colella tha:

“Mendoj që nuk jam i kënaqur. Jam i kënaqur vetëm për pikën. Po për lojën jo. Egnatia mund ta fitonte ndeshjen në fund. Shumë pak jam i kënaqur.

Tërheqja në mbrojtje? Duhet të them që nuk jam aspak i kënaqur nga skuadra. Në pjesën e parë mund ta kishim mbyllur ndeshjen me shanset tona. Por e them sërish që nuk jam i kënaqur nga skuadra.

1 pikë për titullin kampion? Nuk mund të mos jem i kënaqur me pikën sepse dihet që Egnatia është një skuadër shumë e mirë. Është loja që nuk më ka pëlqyer.

Mungesa e lojës së bukur? Nuk është aspak e vërtetë që ne të vazhdojmë të luajmë keq dhe të marrim pikë. Sot kemi bërë gjithçka dhe nuk morëm 3 pikët. Do të bëjmë dhe lojën e bukur, e do të marrim dhe 3 pikët. Nuk kemi luajtur mirë. Shënuam dhe në fund morëm një barazim.

Kthimi prapa? Jam këtu prej 10 muajsh dhe mendoni se ka qenë zgjedhje e imja të kthehemi pas. Na detyroi kundërshtari për ta bërë këtë. Egnatia është një kundërshtar i fortë dhe ndaj u kthyem pas. Ne kishim mundësi të shënonim sepse kishim 3-4 kundërsulme që nuk i kemi shënuar”, tha ai.





Lajmet e fundit nga