web counter
LEXO PA REKLAMA!

SHKARKO APP

App Store
Google Play

E fundit!

x

“U votuan 7 miliardë dollarë buxhet për 4 minuta”/ Këlliçi me tone të ashpra: Maskaradë

2023-11-20 18:29:00, Politikë CNA
“U votuan 7 miliardë dollarë buxhet për 4 minuta”/
Belind Këlliçi

Ish deputeti dhe anëtari i Kryesisë së PD-së, Belind Këlliçi, në një prononcim për CNA ka folur për situatën e krijuar sot në parlament.

Këlliçi tha se, sot u zhvillua maskarada e radhës në parlament ku mazhoranca votoi 7 miliardë dollarë buxhert për 4 minuta, një rast i paprecedentë në historinë parlamentare të Shqipërisë, Ballkanit dhe Europës.

“Sot u zhvillua maskarada e radhës në parlament, ku mazhoranca e drejtuar nga Edi Rama, kaloi 7 miliardë dollarë buxhet për 4 minuta seance edhe pse vetëm si votim në parim. Një rast ky i paprecedentë jo vetëm në historinë tonë parlamentare por besoj edhe në Ballkan dhe Europë.

Këlliçi deklaroi për CNA se Rama e kthyer parlamentin në një repart shtesë të Gardës së Republikës, ku çdo deputet është ruajtur nga 2 gardistë duke penguar zhvillimin e seancës parlamentare.

Ish deputeti shton se këto skena do t’i kishin zili dhe diktaturat më të egra të Afrikës Qëndrore.

“Rama sot dukshëm ka humbur legjitimitetin e tij dhe e ka kthyer Parlamentin në një repart shtesë të Gardës së Republikës, ku çdo deputet i opozitës markohet nga 2 gardistë dhe pengohet të zhvillojë lirisht seancen parlamentare. Pamje kjo dhe precedent me të cilin unë realisht nuk di se ku mund t’ju gjej një rast tjetër paralel në botë, pasi ky standard do xhelozonte dhe diktaturat me të egra të Afrikës Qëndrore”, thotë Këlliçi./ CNA





Lajmet e fundit nga