web counter
LEXO PA REKLAMA!

SHKARKO APP

App Store
Google Play

E fundit!

x

Rama vizitë zyrtare në Berlin/ Zbardhet agjenda, nga takimi me Scholz te diskutimet për turizmin

2023-03-06 17:37:00, Politikë CNA
Rama vizitë zyrtare në Berlin/ Zbardhet agjenda, nga takimi me Scholz
Kryeministri Edi Rama

Kryeministri Edi Rama do të zhvillojë një vizitë zyrtare në Berlin, Gjermani, në kuadër të rolit pritës të Shqipërisë në Procesin e Berlinit për Ballkanin Perëndimor, rol që e mori në Samitin e Procesit të Berlinit më 3 nëntor 2022.

Ditën e martë, Kryeministri do të zhvillojë një takim me Kancelarin gjerman, Olaf Scholz, në Kancelarinë Federale, me fokus koordinimin në kuadrin e kryesimit të Procesit të Berlinit nga Shqipëria, i cili do të pasohet nga takimi mes dy delegacioneve, ku do të diskutohet ndër të tjera mbi bashkëpunimin dypalësh në fushën e ekonomisë dhe të politikës së jashtme, si dhe procesin e anëtarësimit të Shqipërisë në BE.

Pas takimit mes tyre, do të ketë një konferencë të përbashkët për shtyp.

Kreu i qeverisë do të takohet edhe me përfaqësues të lartë të biznesit gjerman, ku do të diskutojë mbi zhvillimin turistik rajonal, si dhe bashkëpunimin e Gjermanisë përmes investimeve, si dhe turistëve të saj.

Rama do të vizitojë gjithashtu Panairin Ndërkombëtar të Turizmit, i cili çdo vit mirëpret rreth 10 000 ekspozues nga më shumë se 180 vende dhe rajone, mes të cilave do të jetë edhe stenda shqiptare./ CNA.al

 





Lajmet e fundit nga