Përjashtimi i 8 deputetëvë të PD-së nga Parlamenti/ Tritan Shehu i numëron Ramës shkeljet

2023-02-08 18:46:00, Politikë CNA

Përjashtimi i 8 deputetëvë të PD-së nga Parlamenti/

Deputeti i Partisë Demokratike, Tritan Shehu ka reaguar pas vendimit për përjashtimin e tetë deputetëve të PD-së nga parlamenti me kërkesë të Partisë Socialiste.

Nëpërmjet një statusi në rrjete sociale ai u shpreh se sekretariati i etikës është krejtësisht pa etikë dhe përgjegjshmëri duke rënditur kështu shkeljët që ai ka bërë ditën e sotme.

Shehu u shpreh se përjashtimi u bë nga 7 deputetë të mazhorancës të cilët nuk paraqitën asnjë provë individuale dhe se nuk ishin të pranishëm në mbledhjen e sekretariatit ditën e sotme.

Më tej ai tha se parlamentiarizmi “po vdes” dhe e vetmja zgjidhje për ta rikthyer atë është lëvizja popullore duke u bërë thirrje qytetarëve t’i bashkohen kështu protestës së 11 shkurtit.

"« Parlameti»i Ramës, një parlament pa opozitë!

Tetë deputetë të opozitës përjashtohen sot në grup, duke çuar numrin e tyre në 13 për dy javë!

Një vendim ky i të ashtuquajturit “sekretariat etike”, krejtësisht pa etikë e përgjegjëshmëri.

Sepse etika në themel të saj ka respektin ndaj kolegëve, rregullave, procedurave.

Të gjitha u shkelen sot nga maxhoranca në këtë sekretariat:

1-Vendimi është marrë në kundërshtim me rregulloren që përcakton:

Se mbledhja e këtij sekretariati duhet të organizohet brenda 48 oresh nga propozimi.

Propozimi ishte i datës 2 shkurt…sot jemi 8 shkurt!

2- Kërkesa për atë masë përjashtimi të 8 deputetëve për 10 dite, ishte bërë nga 7 deputetë të maxhorancës, pa paraqitur asnjë provë individuale.

3- Për me keq asnjë nga akuzuesit nuk ishte prezent sot në atë mbledhje sekretariati, për të dhënë shpjegime, përgjigjur pyetjeve, etj.

Ne fakt askush nuk paraqiti ndonjë prove konkrete për deputetët.

Çdo gjë ishte veçse një farsë denimi kolektiv e urdhëruar, që synonte të godiste opozitën, dëmtonte atë, t’i mbyllte gojën asaj.