web counter
LEXO PA REKLAMA!

SHKARKO APP

App Store
Google Play

E fundit!

x

“PD hapi Shqipërinë drejt botës”/ Berisha, mesazhe të forta për lirinë

2023-01-27 18:06:00, Politikë CNA
“PD hapi Shqipërinë drejt botës”/ Berisha, mesazhe
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka dhënë mesazhe të forta për lirinë, teksa ka listuar disa nga arritjet e PD-së në pushtet.

Gjatë një fjale të mbajtur në 32 vjetorin e themelimit të degës së PD-së në Kamzë, Berisha tha se PD bëri që Shqipëria të hapej drejt botës.

Ai theksoi se PD gjithashtu bëri që vendi jonë të anëtarësohej në Këshillin e Europës, në NATO, të firmoste marrëveshjen e Stabilizim-Asociimit, liberalizimin e vizave, të marrë statusin e vendit kandidat.

?Themelimi i PD-së të Shqipërisë, Kamzës dhe mbarë vendin, ishte një ngjarje sa personale e rëndësishme për çdo person, po kaq e rëndësishme për kombin dhe vendin. Ishte e rëndësishme për çdo person, se kjo datë nuk ishte thjeshtë themelimi i një partie, por kjo datë është ditëlindja e dytë në liri e çdo shqiptari, pavarësisht nga bindjet politike. Kjo datë shënon rrugën tonë, rrugën e çdo individi, çdo qytetari të shoqërisë dhe kombit në tërësi drejt të ardhmes dhe sot pas 32 vitesh, Kamza dhe Shqipëria është së paku 32 herë më larg nga ai pozicion që kishte 32 vite më parë.

“PD hapi Shqipërinë drejt botës”/ Berisha, mesazhe

Liria funksionoi për shqiptarët, bëri që shqiptarët në një hark kohor të shkurtër të kalojnë nga qytetarët me rrogat më të ulëta në botë, të kalojë në grupin e kombeve me të ardhura të mesme të larta. Bëri që shqiptarët, njerëzit me rroga simbolike dhe qesharake në vitin 1992, të tejkalojnë të gjitha vendet e Ballkanit në vitin 2012, përfshirë këtu edhe Bullgaria dhe Rumania, që ishin vende anëtare.

Bëri që vendi më i izoluar i Europës dhe ndoshta në planet, të hapej drejt botës, të anëtarësohej në Këshillin e Europës, në NATO, të firmoste marrëveshjen e Stabilizim-Asociimit, liberalizimin e vizave, të marrë statusin e vendit kandidat.

Janë ato vite që Shqipëria u përcaktua si vendi që do të kryesonte OSBE-në, dhe që do të kryesonte Këshillin e Sigurimit. Të gjitha këto sepse ne ecëm në rrugën e ligjit, lirisë, prosperitetit dhe dinjitetit kombëtar?, theksoi lideri i demokratëve ndër të tjera./ B.A. ? CNA.al





Lajmet e fundit nga