web counter
LEXO PA REKLAMA!

SHKARKO APP

App Store
Google Play

E fundit!

x

Ngritja e komisionit hetimor për aferën e inceneratorëve/ Spaho zbulon “synimin” e Ramës

2022-09-13 19:27:00, Politikë CNA
Ngritja e komisionit hetimor për aferën e inceneratorëve/ Spaho
Deputeti Edmond Spaho

Deputeti Edmond Spaho, ka zbuluar atë që ai e cilëson si synim të kryeministrit Edi Rama për ngritjen e komisionit hetimor, për aferën e inceneratorëve.

Gjatë fjalës në protestën e organizuar nga partia e inceneratorëve në landfillin e Sharrës, Spaho tha se komision hetimor nuk u ngrit për zbardhjen e aferës.

Sipas tij, synimi kryesor ishte që Rama t’i tregonte shqiptarëve variantin e tij dhe të justifikonte humbjen dhe vjedhjen e 430 milionë eurove.

“Jam këtu për të bashkuar zërin me ju në emër të PD-së, për të protestuar ndaj aferës kriminale dhe korruptive më të madhe të që ka ndodhur në 30 vitet e fundit.

430 milionë euro i janë dhënë Gugallës, Zotos e Mërtirit për të ndërtuar 3 inceneratorë për të prodhuar energji elektrike. Njëri është ky që shikoni këtu, tjetri në Elbasan është mbyllur, ai në Fier nuk është marrë në dorëzim, edhe pse duhej mbyllur 3 vite më parë.

Ku shkuan 430 milionë euro që i kanë marrë ose do i vazhdojnë t’i marrin nëse ne do të bëjmë sehir. Për të blerë zgjedhjet, për t’i dhënë ryshfet ministrave, drejtuesit të qeverisë për të blerë median që të mos flasin.

Në shtator të vitit të shkuar u ngrit një komision hetimor me premtimin për të zbardhur këtë aferë, pjesë e të cilit isha dhe unë. Koha e tregoi se synimi nuk ishte zbardhja e aferës, por për t’i dhënë mundësinë Edi Ramës që të tregonte variantin e tij tek qytetarët shqiptarë dhe të justifikonte humbjen dhe vjedhjen e 430 milionë eurove”, theksoi deputeti./ B.A. – CNA.al





Lajmet e fundit nga