web counter
LEXO PA REKLAMA!

SHKARKO APP

App Store
Google Play

Meta,

2023-02-23 18:22:00, Politikë CNA

Meta,

Kreu i Partisë së Lirisë, Ilir Meta politikani i cili ka një pasuri prej 4 miliardë lekësh, gjatë takimit me banorët e Elbasanit ka denoncuar vjedhjen e parave nga qeveria për ndërtimin e rrugëve.

Meta si student i ekonomisë, ka bërë llogaritjet e borxheve të qeverisë duke iu rikthyer profesionit të vjetër.

Sipas përllogaritjeve të Metës me miliardat euro që janë marrë borxh, qeveria duhet të kishte bërë rrugë nga Tirana në Londër.

“Sot njerëzit thonë shyqyr që u bë tuneli që t’i iknin krismat, pasi këtu mbizotërojnë bandat e krimit, që i paguajnë njerëzit. Sa shkelje janë bërë me rrugët. Elbasani ndodhet e parafundit kushtet e jetesës, varfërinë. Elbasani që është 20 minuta larg Tiranës, për shkak të tunelit të ndërtuar nga i madhërishmi Sali Berisha. Këtu mbizotërojnë bandat që i mbështet qeveria e krimit. 75 mln euro ishte për t’u bërë rruga e Arbrit. Ka vajtur 350 mln euro dhe nuk ka sy për të mbaruar ajo. Atje po vriten njerëz në aksidente dhe probleme. Nuk po përmend rrugë të tjera. Aq miliardë euro sa janë marrë borxhe, do ishin bërë rrugë nga Tirana në Londër.

Ja ku jemi. Nuk do krahasohemi as me Britaninë dhe Austrinë. Kemi Kosovën, shumica e qytetarëve janë shqiptarë. Buxheti ynë për 2021, 4.9 mld euro, i tyre 2.5 mld. Ndihmë ekonomike në Shqipëri, një familje ka përfituar 58 euro në muaj, ndërsa në Kosovë ka marrë 100-120 euro në muaj. Niveli mesatar i pensioneve në Kosovë është 300 euro. Ndërsa në zonat rurale në Shqipëri është 79 euro. Fitorja e padiskutueshme”, u shpreh ai./CNA.al





Lajmet e fundit nga