web counter
LEXO PA REKLAMA!

SHKARKO APP

App Store
Google Play

Mesazhi i Escobar/ Disa njerëz po përdorin ndjenjat anti-amerikane për përfitime politike

2023-04-13 22:35:00, Politikë CNA
Mesazhi i Escobar/ Disa njerëz po përdorin ndjenjat anti-amerikane
I dërguari i Posaçëm i SHBA-ve për Ballkanin Perëndimor, Gabriel Escobar

I dërguari i Posaçëm i SHBA-ve për Ballkanin Perëndimor, Gabriel Escobar, ka bërë një deklaratë të fprtë mbrëmjen e sotme

Escobar tha në një intervistë televizive se beson se ka njerëz që po përdorin ndjenjat anti-amerikane për përfitime personale politike.

Ai delaroi se për këtë arsye do të ishte shumë dyshues për këdo që vë në lëvizje ose u jep shtysë linjave anti-amerikane.

“Unë mendoj se ekziston rreziku që ka njerëz që po përdorin ndjenjat anti-amerikane për përfitime personale politike, dhe kjo nuk e ndihmon interesin tonë strategjik apo tuajin. Ndaj, do të isha shumë, shumë dyshues për këdo që vë në lëvizje ose u jep shtysë linjave anti-amerikane, sepse gjithçka që kemi bërë, veçanërisht në dy vitet e fundit, ka qenë për të thelluar marrëdhëniet strategjike midis Shteteve të Bashkuara dhe Shqipërisë. Dhe më duhet të them se Shqipëria zë një pozicion shumë të privilegjuar në politikën tonë të jashtme.

Jemi konsultuar me ju dhe keni qenë pjesë e pothuajse çdo ngjarjeje globale për shkak të partneritetit tuaj me Shtetet e Bashkuara. Dhe ne jemi ndihmuar për të çuar përpara vlerat dhe synimet tona në Europë prej partneritetit tonë me Shqipërinë, jo vetëm në NATO apo Këshillin e Sigurimit të Kombeve të Bashkuara, por edhe në mënyrë dypalëshe. Pra, do të thosha se kushdo që predikon çfarëdo lloj anti-amerikanizmi, në fakt nuk ka parasysh interesat e Shqipërisë”, theksoi  zyrtari i lartë amerikan./ CNA.al





Lajmet e fundit nga