web counter
LEXO PA REKLAMA!

SHKARKO APP

App Store
Google Play

Këlliçi

2023-04-01 14:04:00, Politikë CNA

Këlliçi

Kandidati i Partisë Demokratike për Bashkinë e Tiranës, Belind Kelliçi ishte sot në Farkë, ku zbuloi sipas tij një prej mashtrimeve elektorale të Erjon Veliajt.

Ky i fundit së bashku me ministren e Bujqësisë, inauguruan tregun dhe thanë se është në kapacitet dhe totalisht i prenotuar, por sipas Këlliçit, rezulton se aty janë ngritur vetëm kapanone dhe nuk ka asgjë tjetër.

"Tregu i madh, investim miliona euro ta shohim njëherë çfarë bëhet ku shkojnë lekët e taksapaguesve, qytetarëve.
Bosh! E gjitha bosh! Asnjë njeri, asgjë, e papërfunduar! Të shkojmë këtej të shohim, vetëm kapanone! Bosh! Ta shoh edhe këtë këtu për kuriozitet… asgjë! Tani të dashur qytetarë ju e dini nuk ka nevojë që ta shihni për ditë në denoncimet e mia, në videot e mia por ju e dini kë kemi për kryetar bashkie. Unë erdha për të bërë sot pazar në tregun agroushqimor të Farkës, por siç e shihni nuk ekziston, sepse të gjitha investimet e Erion Veliajt, janë të gjitha imagjinare. Dhe nuk më mbetet asgjë tjetër veç se në ditën e tij të festës, më 1 prill, t’i uroj kryebashkiakut europian të rrenave, gëzuar dhe boll i gënjeve qytetarët e Tiranës se deri më 14 maj e ke këtë mundësi por pas 14-ës, edhe ti në shtëpi. Gëzuar!", shkruan Këlliçi.

Kujtojmë se Veliaj e prezantoi tregun e ri agroushqimor në Farkë më 18 mars, ku u shpreh se ndërtimet kishin përfunduar dhe 100% të hapësirave të saj ishin të prenotuara nga fermerët./CNA





Lajmet e fundit nga