web counter
LEXO PA REKLAMA!

SHKARKO APP

App Store
Google Play

E fundit!

x

I dyshuar për trafik droge/ Arrestohet aktori i famshëm turk me prejardhje shqiptare, Can Yaman

2026-01-10 17:14:00, Lifestyle CNA

I dyshuar për trafik droge/ Arrestohet aktori i famshëm turk me

Aktori i njohur turk me origjinë shqiptare, Can Yaman, është arrestuar në Turqi në kuadër të një operacioni të gjerë policor kundër trafikimit dhe konsumimit të substancave narkotike, që përfshiu disa personazhe të njohur publikë dhe gazetarë në Stamboll.

Sipas burimeve zyrtare, operacioni u shtri në disa zona të qytetit dhe çoi në arrestimin e shtatë personave, mes tyre edhe aktorja e njohur Selen Görgüzel. Hetimet dyshohet se kanë zbuluar një rrjet të organizuar që përfshinte figura publike të ekranit dhe medias.

Can Yaman, një nga emrat më të spikatur të kinematografisë turke në vitet e fundit, është kthyer në një yll ndërkombëtar, veçanërisht në Itali, ku ka fituar popullaritet të madh falë roleve protagoniste në seriale shumë të ndjekura.

Lajmi i arrestimit të tij ka shkaktuar reagime të shumta në mediat turke dhe ndërkombëtare, si dhe tek fansat e shumtë që ai gëzon në vende të ndryshme, përfshirë edhe Shqipërinë.

Publiku shqiptar e njeh Can Yaman kryesisht përmes disa serialeve të suksesshme që janë transmetuar edhe në gjuhën shqipe, si “Dolunay” (Hëna e Plotë), “Erkenci Ku?” (Zogu i Hershëm) dhe “?nad?na A?k” (Pavarësisht Dashurisë), të cilat kanë shënuar audiencë të lartë dhe e kanë kthyer aktorin në një figurë shumë të dashur për shikuesit. /CNA





Lajmet e fundit nga