E ju kujtohet

2022-11-09 13:56:00, Lifestyle CNA

E ju kujtohet

Sa nga ju e mbajnë mend aktoren shumë të dashur për publikun Ervina Kotolloshi?

Nëse nuk e mbani mend, atëhere padyshim ju mbani mend rolin e “Ponjës” në “Portokalli”, i cili id ha një vëmendje shumë të madhe aktores së humorit vite më parë.

Prej kohësh “Ponja”, nuk është bërë “e gjallë”, kjo pasi ajo ka vijuar jetën dhe karrierën e saj në Paris.

Edhe pse u largua nga Shqipëria në kulmin e karrierës së saj, ajo mbaroi studimet dhe doktoraturën dhe tashmë jep mësim në një nga universitetet e kryeqytetit francez.

Gjatë këtyre viteve ajo ka qëndruar larg intervistave për së fundmi ajo është prononcuar për “ABC-në e mëngjesit”, ku ka rrëfyer se sip o shkon jeta e saj në Francë.

Aktorja ka treguar arsyet e largimit nga Shqipëria, ku tha se ishte humbja e mamasë në një aksident tragjik, që i dha një goditje të fortë.

“Ishte një vendim që më është dashur kohë ta marr. E kam lënë për një ngjarje shumë personale në 2006. Nuk kam folur asnjëherë për këtë. Humba mamin në një aksident rrugor dhe personi që e aksidentoi nuk kishte patentë dhe kishte pirë alkool. Mamaja ka vuajtur dy muaj në spital para se të ndërronte jetë.
Në atë moment, kam kuptuar se ka pasur shumë institucione që në rastin tim, nuk kanë funksionuar siç duhet. Në radhë të parë ka qenë personi në fjalë që i ka dhënë makinës pa patentë dhe që nxitonte të kapte pjesën e dytë te ndeshjes sepse ishte Kampionati Botëror. E dyta, nuk ka funksionuar mjekësia.
A duhej shpëtuar mamaja pas këtij aksidenti? Në Kodin Rrugor thuhet se nuk duhet ta lëvizësh kur është pa ndjenja. A duhej operuar disa herë? Nuk e di. Por ajo që më ka lënduar më shumë është gjykatësi. Kur e pyeta pse u dënua kaq pak, mu përgjigj se ‘mamaja juaj s’ka vdekur nga aksidenti’.

Ervina gjithashtu foli dhe për familjen që ka krijuar. Ponja para disa kohësh ndodhej në Japoni, ku nuk dihej me saktësi qëllimi i vizitës së saj në kontinentin aziatik ku qëndroi për një kohë të gjatë. Aty njohu dhe partnerin aziatik dhe është bërë nënë e një djali, për të cilin tha: “Kam krijuar një familje këtu pas shumë vitesh.

"Për herë të parë kuptoj se çfarë domethënë fëmija është drita e syve. Mendoja se kishte të bënte me shqisën por mendoj se është drita që na jep në sy."- u shpreh ajo./CNA.al