“Sistemi i kalbur”/ Artan Hoxha: Në rastin e Ndocit nuk është zbatuar plani i masave dhe protokolli i sigurisë

2026-01-13 21:01:00, Kronika CNA

“Sistemi i kalbur”/ Artan Hoxha: Në rastin e Ndocit nuk

Gazetari investigativ Artan Hoxha ka reaguar ashpër lidhur me ngjarjen e fundit që përfshin Altin Ndocin, duke e cilësuar atë si pasojë të drejtpërdrejtë të një sistemi të kalbur dhe të korruptuar.

Sipas Hoxhës, në këtë rast nuk është zbatuar plani i masave dhe protokolli i sigurisë, pavarësisht rrezikshmërisë së personit. Ai theksoi se për persona të tillë duhet të ketë një grup shoqërimi të specializuar gjatë çdo lëvizjeje dhe se nuk mund të dërgohen në ambiente me siguri të dobët.

Gazetari shtoi se Altin Ndoci ka tentuar vetëm arratisjen për të shmangur një situatë tjetër për veten dhe nuk ka pasur ndërmend të dëmtojë as punonjësit e policisë dhe as personelin e spitalit. Hoxha theksoi se ngjarja ka qenë e koordinuar mirë, duke u shfrytëzuar pikat e dobëta të sistemit të sigurisë.

Ai ngriti gjithashtu shqetësimin se, ndërsa flitet për aspirata drejt Bashkimit Europian, institucionet nuk arrijnë të garantojnë sigurinë e një personi të arrestuar nga SPAK..

“Problemi real sistemi i kalbur dhe i korruptuar. Në rastin e burgut të Peqinit u kujtuan për sgurinë. Pamë që kishte palestër. Nuk është zbatuar plani i masave dhe protokolli i sigurisë. Ai duhet të ketë një grup kur lëvizin personazhe të tillë.

Nuk mund të merresh me personazhe të tilla duke i çuar në ambiente të dobëta.

Ai ka dashur vetëm të arratisje për të mos i shkaktuar vetes një situatë tjetër.

Së pari ka testuar nivelin e sigurisë. Kur flasim për ëndrrat e BE, ti nuk ruan dot atë që e ke aty e ka arrestuar SPAK dhe ti se mban dot.

Sot Altin Ndoci ska patur ndërmen të dmëtojë njeri tjetër qoftë nga policia qoftë nga spitali.

Nuk e kanë parë të domosdoshme të përdorin armën. Ajo është një ngjarje e koordinuar mirë, janë parë pikat e dobëta”, tha gazetari Artan Hoxha i ftuar në emisionin Now me Erla Mëhillin./ CNA