E fundit!

19:31 POLITICS

Rama government's "BESA" document revealed

The strategic document "Besa" that was presented yesterday...

Mashtruan për të shtënat/ Arrestohen babë e bir, zbulohet kush përdori armën

2023-12-15 12:53:00, Kronika CNA

Mashtruan për të shtënat/ Arrestohen babë e bir, zbulohet

Foto nga arma e sekuestruar

Policia e Tiranës ka arrestuar babë e bir pasi mashtruar se disa persona kishin hyrë në oborrin e banesës së tyre dhe kishin qëlluar në ajër me armë zjarri.

Në prangat e policisë kanë rënë G. H., dhe O. H, të dy banues në Mënik. Nga hetimet ka rezultuar se me armë zjarri ka qëlluar djali 22-vjeçar.

Policia sekuestroi armën e zjarrit kallashnikov, 4 krëhra dhe sasi municioni luftarak.

Njoftimi i Policisë:

Telefonuan Policinë me pretendimin se disa persona kishin hyrë në oborrin e banesës së tyre, dhe kishin qëlluar në ajër me armë zjarri, vihen në pranga babë e bir.

Sekuestrohet arma e zjarrit kallashnikov, e përdorur gjatë ngjarjes, 4 krëhra dhe sasi municioni luftarak.

Shërbimet e Komisariatit të Policisë Nr. 6, pas marrjes së njoftimit se mbrëmjen e djeshme, në fshatin Mënik, një shtetas pretendonte se persona të paidentifikuar kishin hyrë në oborrin e banesës së tij, dhe kishin qëlluar në ajër me armë zjarri, menjëherë kanë organizuar punën për sqarimin e rrethanave të ngjarjes dhe dokumentimin e plotë ligjor të saj.

Rrethanat: Shtetasi G. H., 58 vjeç, mbrëmjen e djeshme ka telefonuar Policinë duke pretenduar se persona të paidentifikuar, ishin futur në oborrin e banesës së tij, dhe kishin qëlluar me armë zjarri.

Shërbimet e Policisë kanë kaluar menjëherë në adresën e dhënë, dhe nga verifikimet e kryera ka rezultuar se personi që ka qëlluar me armë zjarri kallashnikov, është shtetasi O. H., 22 vjeç.

Në vijim të veprimeve u bë arrestimi në flagrancë i shtetasve G. H., dhe O. H., (babë e bir), të dy banues në Mënik.

Gjatë kontrollit të banesës së dy të arrestuarve, shërbimet e Policisë gjetën dhe sekuestruan, në cilësinë e provës materiale armën e zjarrit kallashnikov, të përdorur gjatë ngjarjes, 4 krëhra dhe sasi municioni luftarak.

Materialet i kaluan Prokurorisë pranë Gjykatës së Shkallës së Parë të Juridikdionit të Përgjithshëm Tiranë, për veprime të mëtejshme procedurale./CNA