web counter
LEXO PA REKLAMA!

SHKARKO APP

App Store
Google Play

A mund t’ja ketë marrë jetën mbidoza Lear Kurtit?/ Artan Hoxha tregon çfarë i thanë toksikologët

2022-10-20 22:09:00, Kronika CNA
A mund t’ja ketë marrë jetën mbidoza Lear Kurtit?/ Artan
Gazetari Artan Hoxha

Gazetari Artan Hoxha ka folur mbi aludimet se Lear Kurti mund të ketë ndërruar jetë nga mbidoza, pasi mendohet se i është çarë një qese me lëndë narkotike në stomak.

Hoxha tha në Abc News se për këtë ka pyetur toksikologët, të cilët i kanë deklaruar se çarja e qeses me lëndë narkotike në stomak është shumë e rrezikshme dhe mua t?ia marrë jetën një personi.

Gjithashtu, ai shprehu rezerva ndaj policisë, duke marrë parasysh deklaratat e Agjensisë së Mbikëqyrjes Policore gjatë ditës së sotme.

Pjesë nga deklarata:

Patrulla thotë kemi parë një person dhe i kemi kërkuar ID-në, pastaj e kanë ndjekur me vrap. Kur e kanë kapur, pretendojnë se ka gëlltitur një dozë kokaine. Policia thotë kemi gjetur qese plastike 5×5. Dozat janë 0.3 gram dhe 0.6 gram. Pyeta toksikologët, sa duhet që të humbë jetën një person? Ata thanë, nëse ka marrë një qese dhe është çarë në stomak, është shumë e rrezikshme dhe mua t?ia marrë jetën.

Pashë në Kolumbi se si trafikantët ua fusin në trup grave, por policia i çonte direkt në spital. Në rast se ka patur një dozë 0.3 gram ose 0.6 gram dhe ka vrapuar 200 metra, ai ka pasur mundësi që ta flakte, ta hidhte. Natën te Don Bosko kush do ta gjente?

Po e marrim të mirëqenë se e ka gëlltitur, sepse i ka ardhur keq për lekët? Aty thotë është gjetur qesja, por nuk dihet çfarë lënde ka brenda. Për të justifikuar një veprim policor, nxihet kartela e personit. Nuk ndodh në asnjë vend të botës, të vijë patrulla pa një motiv. Policia ka një manual për rastet kur ndalohen persona. Çfarë elementi të dyshimtë kishte ky person? Ata thonë e pamë para një biznesi. Çfarë problemi ka këtu?

Sipas kamerave, thuhet se ngjarja ka filluar në 23:07 minuta. Në komisariat ka vajtur në 23:30 minuta. Kanë thënë kemi kërkuar ambulancë, por nuk ka ardhur ambulanca. Policia thotë e kemi çuar vetë. Spitali thotë kur erdhi te ne ishte i vdekur. Kjo është një ngjarje që kërkon hetim, por nuk mund ta bëjnë persona të përfshirë këtë hetim. Duke dashur të dalin pa larë dhe duke u trembur, policia e ka kthyer objektivin nga vetja. Duhej lënë e gjithë koha, të ngrihej një grup mjekësh për të bërë autopsinë./ B.A. - CNA.al





Lajmet e fundit nga