Kreu i grupit Wagner synon të marrë Moskën/ Kush është njeriu që doli kundër Vladimir Putin

2023-06-24 17:20:00, Kosova & Bota CNA

Kreu i grupit Wagner synon të marrë Moskën/ Kush është

Një konflikt ka nisur në Rusi mes grupit të fuqishëm mercenar Wagner dhe presidentit të Rusisë, Vladimir Putin.

Gjiçka nisi pasi Yevgeny Prigozhin, lideri i kompanisë private ushtarak Wagner bëri thirrje për një rebelim në Rusi, të cilin e quan "marshim drejtësie".

Mëngjesin e kësaj të shtune, Prigozhin konfirmoi se ai dhe trupat e tij kishin kaluar kufirin nga Ukraina, ku po luftonin për Rusinë dhe kishin marrë nën kontroll objektet ushtarake dhe aeroportin në qytetin Rostov-on-Don.

Kjo solli një reagim të ashpër të Vladimir Putin. Presidenti rus dënoi rebelimin. Ai ngriti akuza për “tradhëti” dhe u zotua të ndëshkojë personat që qëndronin pas kryengritjes. Ndonëse nuk përmendi emra, kjo deklaratë u interpretua si një paralajmërim për kreun e grupit Wagner.

Kreu i Wanger kërcënon Rusinë/ Putin i prerë: Thikë pas shpine, do të ndëshkohesh
24 Qershor, 09:36

Wagner iu kundërpërgjigj me “të njejtën monedhë”, duke deklaruar se do të rrëzojë Putin dhe Rusia do të ketë një President të ri.

Dhe ashtu siç edhe paralajmëroi, grupi mercenar po shkon drejt Moskës. Wagner ka marrë nën kontroll qytetin kufitar me Ukrainën Voronezhin dhe ka mbërritur edhe në Lipetsk.

Por kush është Yevgeny Prigozhin që doli kundër Putin me grupin e tij Wagner?

Yevgeny Viktorovich Prigozhin është një oligark rus dhe cilësohej si i besuari i ngushtë i Vladimir Putin.

62-vjeçari njihej prej dekadash si "kuzhinieri i Putinit" për shkak të kontratave të kateringut të kompanisë së tij në Kremlin.

Kreu i grupit Wagner synon të marrë Moskën/ Kush është

Është e paqartë se sa miqësorë janë ai dhe presidenti rus, por të dy kanë lindur dhe janë rritur në Shën Petersburg.

Prigozhin është njohur për natyrën e tij rebele që në fëmijëri. Në nëntor 1979, kur ai ishte vetëm 18 vjeç, u kap duke vjedhur dhe u dënua me kusht. Dy vjet më vonë, në vitin 1981, ai u kap përsëri duke vjedhur dhe u dënua me dymbëdhjetë vjet burg për grabitje, mashtrim dhe përfshirje të adoleshentëve në krim.

Pasi përfundoi dënimin, Prigozhin filloi të shiste hotdogë në qytetin e tij të lindjes. Shumë shpejt, ai filloi të ndërtojë një zinxhir supermarketesh, hapi restorantin dhe kompaninë e tij të hotelierisë.

Ai themeloi grupin ushtarak privat në vitin 2014, kur Rusia aneksoi Krimenë nga Ukraina.

Lideri i Wagner ka rekrutuar mijëra të burgosur rusë për të luftuar dhe ka pasur përplasje me Ministrinë e Mbrojtjes për planet ushtarake dhe furnizimet me municione.

Kreu i grupit Wagner synon të marrë Moskën/ Kush është

Pasi presidenti rus, Vladimir Putin, urdhëroi pushtimin e Ukrainës në shkurt, mercenarët e Vagnerit ishin në mesin e disa njësive të parregullta që luftuan përkrahë forcave të rregullta ruse.

Gjatë verës, kur lufta nisi të humbte fuqinë, një numër në rritje i ushtarakëve rusë shprehën zhgënjimin e tyre me komandantët dhe me mosvullnetin e Kremlinit për të shpallur një mobilizim të përgjithshëm ushtarak apo për të dërguar më shumë burra në luftë.

Prigozhin në shtator mori përsipër vetë që të gjente më shumë burra për luftë. Ai doli me video në një burg, në një vend rural të Rusisë, duke u premtuar të dënuarve lirim të parakohshëm nëse ata do të regjistroheshin që të shkonin për gjashtë muaj në luftë në Ukrainë.

Tashmë, Prigozhin është rebeluar kundër mikut të tij, Vladimir Putin./ CNA.al