Denoncimi i Fiks Fare/ Të gjymtuarit dhe të paralizuarit pa ndihmë!

2022-12-23 21:41:09, Denoncim CNA

Denoncimi i Fiks Fare/ Të gjymtuarit dhe të paralizuarit pa

Para disa javësh, qeveria miratoi me të drejtë një bonus 5 mijë lekë për mbi 695 mijë pensionistë! 11 mijë për të gjithë ata që marrin pension invaliditeti.

Por, qindra mijëra persona të tjerë enden çdo ditë në dyert e institucioneve të marrin paketat që ju takojnë për ndihmë. Një 46 vjeçar nga Elbasani, në karrocë me rrota prej 20 vitesh, i është hequr paketa higjeno-sanitare. Ndërkohë, një tjetër në Kuçovë, që dergjet në shtrat prej 4 vitesh, pas një ishemie, nuk merr kujdestarë pasi “s’e përcakton ligji”.

Pas 20 vitesh, të gjymtuarit i heqin paketën higjeno sanitare

Fiksi bisedoi me z. Andrea Qosja nga Elbasani. 46 vjeçari është prej 20 vitesh është në karrocë me rrota, pasi ka humbur të dyja këmbët. Jeton në Mjekës, është babai i dy fëmijëve.

“I jam drejtuar Fiks Fare se pas 20 vitesh që marr KEMP dhe jam me status të përhershëm të përfituesit të Statusit të Invalidit, paraplegjik dhe tetraplegjik. E kam marrë kempin përherë, pa asnjë problem. Librezën e kam marrë në vitin 2017 dhe thotë ‘përgjithmonë’, ku përfitoj edhe paketën higjieno-sanitare. Nuk mund të bëj punë të tjera, duhet të kujdeset gjithmonë një person“, thotë ai.

Më tej pohon se pas shumë vitesh, e kontaktojnë nga Njësia Administrative se i është hequr paketa higjieno-sanitare.

“Më thanë se ‘s’të takon’. Tani u kujtuan këta të ma hiqnin, unë e kam pasur gjithmonë. Të dyja këmbët nuk i kam, me sëmundje të tjera po e po. Kam shkuar në Tiranë. As më panë, vetëm më bënë disa pyetje. Më pyetën vuan nga ndonjë gjë, u thashë nëse ‘s’ke këmbët, të gjitha i ke’. Çfarë mund të bëj unë?” pohon Andrea, i cili u largua dhe i thanë se përgjigjen do e dërgojnë te Njësia Administrative. “Pas disa ditësh më merr punonjësja e Njësisë dhe më thotë të është hequr. E pyes a ka ardhur vendimi, më thonë jo. Vetëm në telefon. Merrja 160 mijë lekë paketë, tani ma hoqën. Marr vetëm kempin, 110 mijë lekë, asnjë gjë tjetër. Me çfarë të jetoj”, thotë ai.

Gazetarët e Fiksit telefonojnë punonjësen e Njësisë, ku e pyesin për rastin e Andreas. Ajo thotë se është në shtëpi për problemet e veta. Më tej pohon se “ende s’ka ardhur vendimi nga Shërbimi Social”.

Gazetarët e pyesin nëse i është hequr paketa higjeno-sanitare, ndërsa ajo përgjigjet se po, pasi “e kanë lajmëruar vetëm në telefon”.

Denoncimi i Fiks Fare/ Të gjymtuarit dhe të paralizuarit pa

I paralizuar e në krevat prej 4 vitesh, gruaja s’merr ndihmë!

Fiksi denoncoi edhe rastin e z.Leonard Lluka, i cili dergjet në shtrat prej 4 vitesh. Bashkëshortja e tij apelon që të marrë një pagesë kujdestarie. Leonardi ka punuar gjithë jetën mekanik në Uzinën e Kuçovës, ndërsa para 4 vitesh pësoi një ishemi.

Nga ishemia nuk lëviz këmbën dhe dorën e majtë. Ndërkohë, ka probleme edhe në kokë, pasi nuk bën dot as nevojat e tij personale. Personi që kujdeset për të është bashkëshortja, Liljana. Edhe ajo në moshë pensioni, por nuk e merr “pasi s’kam kontribute”.

Denoncimi i Fiks Fare/ Të gjymtuarit dhe të paralizuarit pa

“Kam kërkuar të marr pagesë kujdestarie, ia kam bërë të gjitha analizat në Kuçovë, Berat dhe Tiranë. Në Tiranë e kam çuar me autoambulancë. As e kanë parë fare. Ky është me bebelina, do kujdes gjithmonë. Të paktën të marr ato që më takojnë, s’kërkoj më shumë”, thotë ajo.

“Pasi e çova në Tiranë na vjen përgjigjja se ‘s’të takon’. Ky në shtrat i paralizuar edhe s’më takon?! S’po kërkoj asnjë gjë, vetëm ato që më takojnë, ta nxjerrin me status. Nuk di kujt t’i drejtohem, prandaj iu drejtova Fiks Fare”, thotë Liljana.

Denoncimi i Fiks Fare/ Të gjymtuarit dhe të paralizuarit pa

Bashkë me Liljanën, gazetarët shkojnë te Shërbimi Social në Kuçovë. Përgjegjësja e SHSSH-së, Dorina Veshi, thotë se e di problemin e zonjës Liljana dhe të bashkëshortit të saj Leonardit.

Pohon se vendimi është marrë nga Shërbimi Social në Tiranë dhe ata janë vetëm zbatuesit. Sipas saj, zotëria merr kempin dhe një ndihmë 3 mijë lekë në muaj nga pushteti lokal, por për statusin duhet ta vendoste Tirana. “E di që i takon, por ne jemi vetëm zbatuesit” thotë përgjegjësja e Shërbimit Social./ tch

Denoncimi i Fiks Fare/ Të gjymtuarit dhe të paralizuarit pa