Skandali

2023-02-10 18:35:00, Aktualitet CNA

Charles McGonigal

Skandali i Charles McGonigal është kthyer në kryefjalën e mediave botërore, përfshirë edhe atyre shqiptare.

Ditë pas dite, në mediat e huaja dalin detaje të reja që fundosin edhe më shumë McGonigal, por gjithashtu flitet edhe lidhjet e tij me kryeministrin Edi Rama.

Së fundi, media e njohur gjermane, Bild, ka shkruar një artikull , ku e quan një thriller politik, ndërsa përmend fondet e dyshimta, udhëtimet sekrete, miqtë rusë, licencat e naftës dhe politikën e madhe.

“Një shef i korruptuar i FBI-së në Nju Jork, një oligark rus i sanksionuar dhe një aferë ryshfeti në Tiranë, shkaktojnë një tërmet ballkanik që arrin deri në Gjermani!

Një thriller i vërtetë politik dhe agjenturor për fondet e dyshimta, seksin, udhëtimet sekrete, miqtë rusë, licencat e naftës dhe politikën e madhe!

Në qendër: Ish-agjenti i FBI-së dhe shefi i kundërzbulimit në policinë federale amerikane, Charles McGonigal 54 vjeç dhe një lidhje me Shqipërinë që të çon në pallatin e qeverisë në Tiranë, në afërsi të kryeministrit Edi Rama 58 vjeç: tek miku dhe këshilltari i ngushtë Dorian Duçka.

Dorian Duçka është personi i kontaktit të Ramës për politikanët gjermanë! Ai ka kontaktuar edhe politikanë dhe gazetarë në Berlin për vende të tjera. Thuhet se Duçka thjesht i ka dhënë ryshfet njeriut të FBI-së për llogari të qeverisë shqiptare, sipas drejtësisë amerikane”, kështu shkruhej ndër të tjera në artikullin e publikuar nga Bild.

Por, vetëm pak orë pas publikimit, ky artikull është fshirë. Nëse klikojmë tek linku i lajmit, nuk ka asnjë artikull, thjesht lajm nuk ekziston më.

Skandali

Por megjithatë kemi siguruar artikullin përmes fotove, që tregon se flitej për Dorian Duçkën, duke e cilësuar personin e kontaktit të Ramës për politikanë gjermanë.

Gjithashtu thuhet se ai i ka dhënë ryshfet njeriut të FBI-së, për llogari të qeverisë shqiptare sipas drejtësisë amerikane./ CNA.al