web counter
LEXO PA REKLAMA!

SHKARKO APP

App Store
Google Play

Sizmologu Ormeni qetëson shqiptarët/ Mekanizmi i pllakave në Turqi është ndryshe te ne

2023-02-06 22:16:00, Aktualitet CNA
Sizmologu Ormeni qetëson shqiptarët/ Mekanizmi i pllakave në
Specialisti dhe sizmologu Rrapo Ormeni

Tërmeti i fortë me magnitudë 7.8 ballë ka shënuar një bilanc tragjik me mbi 2700 viktima në Turqi dhe Siri.

Specialisti dhe sizmologu Rrapo Ormeni tha në “Top Story” se ky është rast i rrallë në gjithë historinë e tërmeteve, pasi u shoqërua me një tjetër lëkundje të fortë e mijëra paslëkundje.

Ai deklaroi se këto tërmete quhen të përbërë, por parë nga pasgoditjet, do vijë duke u shuar. Ormeni shtoi se Turqia ndodhet në zonën ku ndodhin 15% të tërmetet e botës.

Sizmologu u shpreh se shqiptarët nuk duhet të shqetësohen pas këtij tërmeti. Ormeni sqaroi se mekanizmi i pllakave tektonike atje është krejtësisht i ndryshëm nga i Shqipërisë dhe se në vendin tonë mund të arrijë deri në 7 ballë.

“Tërmeti ishte ndër më të fuqishmit dhe pas tij ra një tjetër tërmet 7.5 ballë. Ky është rast i rrallë në botë ku një tërmet shoqërohet nga një tjetër. Këto tërmete quhen të përbërë, që kanë dy ose tre tërmete kryesore. Nga pasgoditjet, ky tërmet do të vijë duke u shuar. Ka pasur pas-goditje edhe mbi 6 të shkallës Rihter, ndërsa me magnituda të vogla janë mbi 1 mijë. Studime sot parashikojnë tërmete, edhe në atë zonë parashikoheshin tërmetet. Në asnjë rast nuk përcaktohet ora dhe minuta, parashikimi i saktë i kohës është i pamundur deri më tani. Turqia bën pjesë në Mesdhe, zona aktive ku ndodhin 15% të tërmetet e botës. Turqia është një ndër vendet që krahasohet edhe me tërmetet në Japoni. Është mijëra kilometra larg, mekanizmi i pllakave atje është krejt i ndryshëm nga ai i Shqipërisë. Kjo është veçantia e Shqipërisë, deri në 7 ballë mund të arrijë. Mund të jemi të qetë edhe në rastet e para të tërmeteve të forta në Turqi, nuk kanë ndodhur në Shqipëri. Këtu janë mekanizmat e tjera në varësi të tokës”, tha Rrapo Ormeni./ CNA.al





Lajmet e fundit nga