Rihapet gara për Avokatin e Popullit/ Kriteret që duhet të përmbushin kandidatët

2023-02-09 16:40:00, Aktualitet CNA

Rihapet gara për Avokatin e Popullit/ Kriteret që duhet të

Pas dështimit të zgjedhjes së Avokatit të Popullit para mbylljes së 2022-shit, Parlamenti ka rihapur sërish garën për Avokatin e Popullit.

Në njoftimin e shpalljes së vakancës, Parlamenti ka treguar kriteret që duhet të përmbushin kandidatët dhe dokumentacioni që duhettë paraqisin.

Njoftimi për shpalljen e vendit vakant për Avokatin e Popullit:

Komisioni për Çështjet Ligjore, Administratën Publike dhe të Drejtat e Njeriut në mbledhjen e datës 31.01.2023, sipas përcaktimeve të nenit 61, të Kushtetutës, të neneve 3, 9 dhe 10 të ligjit nr. 8454, datë 4.2.1999, ?Për Avokatin e Popullit?, të ndryshuar dhe nenit 111, të Rregullores së Kuvendit, me vendimin nr. 01/2023 të tij, vendosi ?Shpalljen e vakancës së Avokatit të Popullit?.

A. Ftohen për paraqitjen e kandidaturave për Avokatin e Popullit, individët që:

a) janë shtetas shqiptar

b) kanë njohuri dhe veprimtari të shquara në fushën e lirive dhe të drejtave të njeriut dhe të ligjit

c) shquhen për aftësi profesionale dhe figure të pastër etiko-morale

ç) nuk janë të dënuar penalisht

d) nuk janë deputet në legjislaturën e Kuvendit që bën propozimin a zgjedhjen e tij.

dh) nuk bëjnë pjesë në parti apo organizata politike, nuk kryejnë veprimtari tjetër politike, shtetërore e profesionale apo marrin pjesë në organizmat drejtues të organizatave shoqërore, ekonomike dhe tregtare.

B. Kandidatët duhet të paraqesin dokumentacionin e kërkuar pranë Kuvendit brenda 20 ditëve nga publikimi i këtij njoftimi. Afati i fundit për paraqitjen e kandidaturave është data 20.02.2023

C. Propozimi i çdo kandidature duhet të përmbajë:

1. Kërkesë për shprehje interesi për pozicionin e Avokatit të Popullit

2. CV-në e nënshkruar në çdo faqe nga kandidati dhe fotokopje të kartës së identitetit

3. Diplomën dhe listën e notave të përfundimit të arsimit të lartë

4. Librezë pune ose vërtetime të tjera që provojnë përmbushjen e kriterit ligjor të njohurive dhe veprimtarive të shquara në fushën e lirive dhe të drejtave të njeriut dhe të ligjit.

5. Vërtetim i gjendjes gjyqësore

6. Formularin e vetëdeklarimit në zbatim të ligjit 138/2015 ?Për garantimin e integritetit të personave që zgjidhen, emërohen ose ushtrojnë funksione publike?, i cili gjendet i publikuar në faqen zyrtare të Kuvendit të Shqipërisë si dhe bashkëlidhur këtij njoftimi.

8. Formularin e plotësuar në zbatim të ligjit nr.45/2015, ?Për të Drejtën e Informimit për Dokumentet e ish ? Sigurimit të Shtetit të Republikës Popullore Socialiste të Shqipërisë?, i cili gjëndet bashkëlidhur këtij njoftimi.

9. Formularin e deklarimit të papajtueshmërisë në përputhje me përcaktimet në nenin 3 dhe 10 të ligjit nr. 8454, datë 4.2.1999, ?Për Avokatin e Popullit?, të ndryshuar./ B.A. ? CNA.al