web counter
LEXO PA REKLAMA!

SHKARKO APP

App Store
Google Play

Pak orë para protestës/ Ambasada amerikane thirrje qytetarëve të saj: Shmangni turmat!

2022-07-07 13:54:00, Aktualitet CNA
Pak orë para protestës/ Ambasada amerikane thirrje qytetarëve
Ambasada amerikane

Ambasada amerikane në Tiranë ka paralajmëruar qytetarët e saj që jetojnë në kryeqytet që të distancohen nga protesta që është thirrur sot nga Partia Demokratike.

Ambasada përmes njoftimit paralajmëron shtetasit e vetë që të shmangin rrugët ku kalojnë protestuesit.

“Ditën e enjte, datë 07.07.2022, në orën 19:00, është planifikuar të zhvillohet një protestë përpara Kryeministrisë në Bulevardin Deshmoret e Kombit. Këto protesta kanë potencialin të përhapen në rrugët përreth duke shkaktuar bllokime të trafikut, devijime dhe mbyllje të rrugëve.

Qytetarët amerikanë këshillohen të shmangin tubimet e mëdha në qytet. Ndërsa shumë ngjarje të mëdha zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit.

Veprimet që duhen ndërmarrë:
Shmangni tubimet e mëdha dhe çdo zonë ku demonstratat janë të pashmangshme ose në vazhdim.
Jini të vetëdijshëm për rrethinën tuaj.
Monitoroni mediat lokale për përditësime.
Mbani një profil të ulët."/E.T-CNA.al





Lajmet e fundit nga