web counter
LEXO PA REKLAMA!

SHKARKO APP

App Store
Google Play

Operacioni Itali–Shqipëri/ Çuçi: Punë e kryer me profesionalizëm të lartë

2023-01-26 19:25:00, Aktualitet CNA
Operacioni Itali–Shqipëri/ Çuçi: Punë e kryer me
Ministri i Brendshëm, Bledi Çuçi

Ministri i Brendshëm, Bledi Çuçi, ka reaguar për megaoperacionin e policisë shqiptare dhe asaj italine, që shkatërroi një grup kriminal në fushën e narkotikëve.

Me anë të një statusi në rrjette sociale, Çuçi thotë se kjo është një punë e kryer mirë e me profesionalizëm të lartë në çdo hallkë.

“Finalizimi i operacionit për goditjen e një grupi kriminal në fushën e narkotikëve që çoi në arrestimin dhe procedimin e dhjetëra personave brenda e jashtë vendit, është një tjetër sukses i punës së Skuadrave të Përbashkëta Hetimore Shqipëri-Itali.

Një punë e kryer mirë e me profesionalizëm të lartë në çdo hallkë. Vetëm në dy vitet e fundit policitë tona janë përfshirë në 52 Skuadra të Përbashkëta Hetimore, një numër rekord po ta krahasojmë me vendet e tjera europiane.

Kjo dëshmon besimin e lartë që ka sot Policia e Shtetit në sytë e partnerëve ndërkombëtarë dhe vendosmërinë tonë për të goditur krimin. Përgëzime për Policinë e Shtetit, veçanërisht për efektivët që morën pjesë në këtë operacion, SPAK, Policinë dhe Prokurorinë italiane”, thekson ai./ B.A. – CNA.al





Lajmet e fundit nga