web counter
LEXO PA REKLAMA!

SHKARKO APP

App Store
Google Play

Inceneratori i Tiranës bën vetëm groposje/ Në 7 vjet është paguar me lekët e shqiptarëve

2023-01-26 18:33:00, Aktualitet CNA
Inceneratori i Tiranës bën vetëm groposje/ Në 7 vjet
Inceneratori i Tiranës

Një tjetër denoncim është bërë pak më parë nga deputetja Monika Kryemadhi për inceneratorin e Tiranës.

Me anë të një statusi në rrjetet sociale, Kryemadhi thotë se në 7 vjet kompanitë zinxhir të inceneratorëve janë paguar me lekët e shqiptarëve.

Ajo thekson se inceneratorët kanë marrë paratë nga Bashkia e Tiranës pavarësisht se mbetjet në inceneratorin e Tiranës groposen mjerisht pa u përpunuar.

“Hajduti ordiner i Tiranës që bën si inoçent ka paguar 54 milionë euro për depozitim mbetjesh, ku kontrata parashikon komplet tjetër gjë. E di ai këtë, se ka hedhur firmën vetë, ndaj bën sot si skuth duke ja hedhur fajin të tjerëve.

Ka kaluar 1/3 e periudhës koncesionare, po në këto 7 vjet me lekët e shqiptarëve janë paguar kompani me pronarë të panjohur, ndërsa mbetjet në inceneratorin e Tiranës groposen mjerisht pa u përpunuar, tek gropa ku ndërroi jetë Ardit Gjoklaj.

Ja ku e keni me video se si hajduti ordiner i Tiranës përveçse ju vjedh, edhe ju tall me diferencimin e mbetjeve. Erioni i plehrave në 14 Maj dorëzon çelësat e bashkisë dhe do t'i përgjigjet një për një drejtësisë!”, shkruan deputetja./ B.A. – CNA.al





Lajmet e fundit nga