web counter
LEXO PA REKLAMA!

SHKARKO APP

App Store
Google Play

Lubonja zbërthen operacionin/ Çfarë qëndron pas bastisjes së banesës së Ervis Martinajt

2022-12-27 18:59:00, Aktualitet CNA
Lubonja zbërthen operacionin/ Çfarë qëndron pas bastisjes
Analisti Fatos Lubonja

Analisti Fatos Lubonja ka zbërthyer operacionin e forcave Renea dhe FNSH-së në shtëpinë e Ervis Martinajt, ?mbretit? të lojërave të fatit, rreth 6 muaj pas zhdukjes së tij.

Në një intervistë me gazetaren Ina Qirjo, Lubonja tha se bastisja është një formë presioni për familjen e Martinajt, duke përmendur këtu akuzat e ngritura nga xhaxhai i këtij të fundit, Faik Martinaj, i cili pretendon se për zhdukjen e nipit të tij ka grisht kryeministri Edi Rama.

?Një nga gjërat që duhen thënë është që mungesa e transparencës së organeve, që vjen nga mungesa e kompetencave ose dhe nga shkaqe të tjera që nuk i dimë ne? Mos harroni se familja e Martinajt, ka akuzuar kryeministrin si bashkëpunëtor në një farë mënyrë të vrasjes së tij, sepse ata thonë që është vrarë.

Këtu jemi në hipotezë se një version tjetër thonë se nuk është varë, por është inskenim. Dhe nëse është kështu, atëherë është inskenuar bashkë me familjen. Ne jemi midis këtyre dy versioneve, problemi është se policia nuk e vërteton dot vrasjen. Nganjëherë edhe trupat zhduken. Si e gjykoj unë këtë aksion të policisë, a morën ndonjë të dhënë se është gjallë apo i fshehur?

Ana tjetër e çështjes është a ka bashkëpunim të shtetit për ta zhdukur në bashkëpunim me bandat rivale, kjo është e rëndësishme për t?u zbuluar. Qeveria ka qenë dhe është pjesë e bandave, ka shumë gjasë që të ketë bashkëpunim. Ndaj dhe çështja nuk bëhet transparente. Më shumë them që aksioni është bërë dhe në një formë presioni për familjen pas asaj deklarate të tyre për kryeministrin?, theksoi analisti./ B.A. ? CNA.al





Lajmet e fundit nga