DENONCIMI: Lindita Nikolla shpenzon 12 milionë euro në 10 muaj për udhëtime dhe arredime zyrash

2023-11-11 10:53:00, Aktualitet CNA

Lindita Nikolla

12 milionë euro ose 12.8 miliard lekë ka shpenzuar në 10 muajt e fundit Lindita Nikolla për udhëtime luksi dhe arredime zyrash.

Kjo është akuza që vjen nga zëdhënësja për Anti-Korrupsionin në PD, Genta Vangjeli.

Sipas denoncimit të Vangjelit, Nikolla ka firmosur për shpenzime luksi ku vetëm për udhetime janë shpenzuar mbi 1 miliardë lekë pa loogaritur këtu edhe karburantin apo kompensime të tjera.

“ Nikolla ka firmosur për vitin 2023 këto shpenzime:
– Paga për punonjës të miratuar në organikë dhe punonjës me kontratë për kohë të kufizuar: 7.5 miliardë lekë
– Kompensime për anëtarët e parlamentit dhe zyrtarë të tjerë të zgjedhur: 1.6 miliard lekë
– Shpenzime për mbështetje financiare të menjëhershme të punonjësve për zbutjen e impaktit të krizës: 26 milion lekë
– Shpenzime për ekzekutim te vendimeve gjyqësore për largim të padrejtë nga puna: 63 milionë
– Shpenzime për honorare: 47 milion
– Shpenzime për pritje dhe përcjellje: 80 milion lekë
– Udhëtime të brendshme (ku përfshihen kompensime shpenzimesh për deputetë dhe dieta stafi): 520 milionë lekë
– Udhëtime jashtë vendit: 522 milion lekë
– Karburant dhe vaj: 78 milionë lekë
– Të tjera shpenzime operative dhe tendera ku sigurisht nuk mungojnë qokat milionëshe për kompani të lidhura me baxhanakun e Kryeministrit Rama.”- tha Genta Vangjeli.

Sipas demokratëve nëse këto shpenzime do të konvertoheshin në pagesa pensioni, plot 64 mijë pensionistë do të përfitonin 200 euro pension në muaj.

Po ashtu Partia Demokratike ka dënuar largimin e padrejtë nga puna të punonjëve të Kuvendit, për të cilët janë paguar si dëmshpërblim prot 63 milion leke.

“Me sa duket këto janë pagesat që merr zonja Nikolla për krizën ku e ka futur parlamentin duke i shërbyer verbërisht Edi Ramës. Shefi i hedh ndonjë kockë dhe vartësja i plotëson dëshirat.” – e përfundoi deklaratën e saj Genta Vangjeli./CNA