web counter
LEXO PA REKLAMA!

SHKARKO APP

App Store
Google Play

E fundit!

x

Tregu valuator/ Sejko: Janë rishfaqur presionet për mbiçmimin e lekut

3 Korrik 2024, 18:30, Ekonomi CNA
Tregu valuator/ Sejko: Janë rishfaqur presionet për mbiçmimin e
Guvernatori i Bankës së Shqipërisë, Gent Sejko

Guvernatori i Bankës së Shqipërisë, Gent Sejko, informoi këtë të mërkurë se është ulur norma bazë e interessit me 0.25 pikë përqindje për herë të parë që nga marsi 2022.

Sjeko tha se presionet mbiçmuese të lekut janë rishfaqur në tregun valuator.

Gjithshtu, ai deklaroi në një dalje për mediat se është përshpejtuar ritmi i rritjes së kredisë bankare gjatë muajve prill-maj, me një nivel mestar rritjeje prej 14%.

“Ndonëse më të zbehta se një vit më parë, presionet mbiçmuese të lekut janë rishfaqur në tregun valutor të nxitura nga rritja e ofertës valutore që vjen si pasojë e zgjerimeve të mëtejshme e flukseve të turizmit.

Ritmi i rritjes së kredisë bankare vijon të përshpejtohet gjatë muajve prill-maj, duke shënuar një nivel mestar rritjeje prej 14%. Zgjerimi i kredisë pasqyron në masën më të madhe rritjen e shpejtë të kredisë në lekë, portofoli i së cilës shënoi një rritje vjetore prej 22% në muajin maj.

Kjo ecuri ka pasqyruar si normat e ulëta të interesit të kredisë në lekë, të cilat kanë rritur kërkesën për këtë segment, ashtu si dhe një kujdes më të madh të bizneseve të familjeve shqiptare në drejtim të ekspozimit të panevojshëm të kursit të këmbimit.

Ky treg ka sjellë rritjen e mëtejshme të peshës së portofolit të kredisë në lekë, duke rritur efektivitetin e politikës tonë monetare dhe duke forcuar stabilitetin financiar të vendit”, theksoi Sejko./ CNA





Lajmet e fundit nga