web counter
LEXO PA REKLAMA!

SHKARKO APP

App Store
Google Play

Konstatimet e FMN-së për Shqipërinë: Inflacion i ulët, borxhi publik në rënie dhe rezerva të forta valutore

20 Nëntor 2025, 15:49, Ekonomi CNA

Konstatimet e FMN-së për Shqipërinë: Inflacion i ulët,

Një mision i Fondit Monetar Ndërkombëtar (FMN), i udhëhequr nga Anke Weber dhe i përbërë nga David Bartolini, Stefan Kavan, Olti Mitre, Nora Neuteboom, Eyno Rots, Sebastian Sosa dhe Eugena Topi, vizitoi Tiranën gjatë periudhës 4-14 nëntor, për të zhvilluar diskutime mbi Konsultimin e Nenit IV për vitin 2025 me autoritetet shqiptare. Në përfundim të vizitës, në konstatimet paraprake të FMN-së, rezulton se Shqipëria gëzon një nga normat më të larta të rritjes në Europë, inflacion të ulët, borxh publik në rënie dhe rezerva të forta valutore.

Sipas konstatimeve Shqipëria ndodhet në një pikë kthese, me qeverinë që po avancon reforma të guximshme për të siguruar anëtarësimin në BE deri në vitin 2030.

FMN thekson se rruga drejt anëtarësimit shoqërohet me sfida strukturore. Më tej nënvizohet se, ekzistojnë boshllëqe të rëndësishme në reforma ndaj standardeve të BE-së mes produktivitetit në stanjacion, ndërkohë që një mjedis global më i paqëndrueshëm, i shoqëruar me presione të brendshme mbi pagat dhe çmimet e aseteve, paraqet rreziqe për qëndrueshmërinë e rritjes së drejtuar nga turizmi.

Sipas konstatimeve paraprake, reformat e brendshme të realizuara në kohë janë thelbësore për të ruajtur stabilitetin makroekonomik dhe për të rritur produktivitin.

Kyçe për këtë thotë FMN do të jenë ruajtja e hapësirave fiskalë përmes mobilizimit të qëndrueshëm të të ardhurave me reforma jo deformuese në politikën tatimore së bashku me përmirësimin e cilësisë së shpenzimeve, ruajtja e stabilitetit të çmimeve dhe atij financiar përmes politikës monetare të zhdervjellët dhe përmirësimeve të mëtejshme të instrumenteve prudenciale, si dhe avancimi i reformave gjithëpërfshirëse në kapitalin njerëzor, tregun e punës dhe mireqeverisje./ CNA





Lajmet e fundit nga