web counter
LEXO PA REKLAMA!

SHKARKO APP

App Store
Google Play

BSH: Treguesi i ndjesisë ekonomike u tkurr me 2.6 pikë, ja ndikimi sipas sektorëve

2 Dhjetor 2025, 15:49, Ekonomi CNA

BSH: Treguesi i ndjesisë ekonomike u tkurr me 2.6 pikë, ja ndikimi

Një analizë e bërë nga vrojtimi periodik nga Banka e Shqipërisë, vëren se treguesi i ndjesisë ekonomike në vend qëndron mbi mesataren afatgjatë.

Sipas raportit, treguesi i ndjesisë ekonomike (TNE) u tkurr me 2.6 pikë në muajin nëntor.

BSH: Treguesi i ndjesisë ekonomike u tkurr me 2.6 pikë, ja ndikimi

Pavarësisht uljes së lehtë, niveli aktual i TNE-së qëndron rreth 6 pikë përqindje mbi mesataren afatgjatë.

Në analizë theksohet se rënia e TNE-së u ndikua nga ulja e besimit të bizneseve, ndërkohë që besimi konsumator u përmirësua.

Treguesi i besimit të industrisë mbeti i pandryshuar krahasuar me nivelin e muajit të kaluar.

BSH: Treguesi i ndjesisë ekonomike u tkurr me 2.6 pikë, ja ndikimi
TNE sipas sektorëve

Sa u përket vlerave sipas sektorëve, vihet re se: 

TBSH-Treguesi i besimit në shërbime u ul me 5.7 pikë përqindje këtë muaj. Pavarësisht kësaj rënieje, niveli i TBSH-së qëndron rreth 9 pikë përqindje mbi mesataren historike. Rënia e besimit u ndikua nga vlerësimet më pak pozitive të bizneseve për nivelin e kërkesës dhe ecurinë aktuale të biznesit të tyre. 

TBT-Treguesi i besimit në tregti ra me 2.3 pikë përqindje në muajin nëntor, megjithatë niveli i tij mbetet rreth 9 pikë përqindje mbi mesataren historike. Rënia u ndikua kryesisht nga vlerësimet në ulje për nivelin e punësimit në të ardhmen.

TBK-Treguesi i besimit konsumator u rrit me 0.8 pikë përqindje në muajin nëntor. Niveli i tij qëndron 1.3 pikë përqindje mbi mesataren historike. Rritja u ndikua kryesisht nga pritjet më optimiste për gjendjen personale financiare, si dhe situatën ekonomike në të ardhmen./CNA

 

 

 

 

 

 





Lajmet e fundit nga