E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Zoti Isuf Berberi, ndalo telefonatat ndaj CNA-së!

12 Janar 2024, 16:55, Aktualitet CNA

Isuf Berberi

Isuf Berberi, njeriut të cilit ne i kemi raportuar një lajm menjëherë pas daljes në website, ka filluar telefonatat, reagimet, shqetësimet, për një raportim krejt normal, i cili është nxjerrë nga Lëvizja Bashkë e Arlind Qorit, është diskutuar dje në emisionin “Të Paekspozuarit” të Ylli Rakipit, është shtjelluar sot nga stafi i CNA-së, ku është nxjerrë ekstrakti i QKB-së dhe është treguar se si është dhënë një leje për një kullë 17 kate për një kompani që e ka aktivitetin thuajse qesharak, hapu-mbyllu dhe 6 muaj më parë është bërë sërish aktive për të marrë një kullë me 17 kate.

FAKTET/ Një kullë 17 kate për SPAK-un
12 Janar, 15:13

Isuf Berberi po vazhdon t’i bjerë telefonit, por ne i kujtojmë se ato dhe gjithçka tjetër që bën ai me gjithë bashkëpunëtorët e tij, kudo që shkon, janë të pavlera.

Po i kujtojmë dhe ta dijë publikisht se çfarë do të shkruhet më pas dhe disa pyetje të cilave do t’i duhet t’u kthejë përgjigje ai.

Ndoshta jo vetëm ne, por edhe SPAK-ut.

-Së pari, a ke lidhje ti zoti Berberi me çështjen “McGonigal”?

-Çfarë ka ndodhur me ty?

-A njihesh me shtetasin Dorian Duçka? Çfarë lidhje ka ai me kullën?

-Sepse ju kujtojmë se është personi, i cili me McGonigal ishte në Shqipëri dhe mori disa fusha nafte për të cilat, sipas të dhënave tona, iu hoqën nga ju dhe ju tani merrni një kullë?

Ka shumë pikëpyetje dhe shumë gjëra që do të sqarohen në ditët në vijim dhe do të thuhen pa ndalim.

Telefonin mbaje dhe zgjidh halle të tjera se ne ndoshta dhe na përgjojnë dhe marrin më shumë informacion ata që duhet.

Ndaj ti apo këta agjentët anglo-amerikanë që e kanë shpallur veten si mëkëmbësit e Biden-it në Shqipëri, bëni mirë t’i lini telefonatat, të shkoni të zgjidhni hallet në vend tjetër. T’i mbyllni procedurat dhe t’i bëni ato sipas ligjit e në rast se keni marrë kulla për zullume të tjera këto nuk i sqaroni dot me ne, por duhet t’i sqaroni me SPAK-un./ CNA