web counter
LEXO PA REKLAMA!

SHKARKO APP

App Store
Google Play

Vota e Diasporës/ Debate në Komisionin Rregullator: Të mos i pengojmë të votojnë

19 Tetor 2024, 13:03, Aktualitet CNA

Vota e Diasporës/ Debate në Komisionin Rregullator: Të mos i

Sot po zhvillohet mbledhja e Komisionit Rregullator në KQZ “Për miratimin e rregullave për regjistrimin e zgjedhësve nga jashtë vendit dhe përgatitjen e listës së zgjedhësve”.

Gjatë mbledhjes ka patur debate të forta mes anëtarëve të komisionit.

Sipas anëtares së Komisionit Helga Vukaj emigrantët nuk duhet të pengohen për të dhënë votën e tyre.

Në të njëjtën linjë ka qenë dhe anëtari Muharrem Çakaj, i cili tha se procesi nuk duhet paragjykuar dhe nuk duhet penguar.

“Pse e paragjykon procesin. Ju po e pengoni. Mjafton të mbushësh 18-vjec bëhesh pjesë e listës”, tha ai.

I gjithë disktumi vjen pasi në mbledhjen e një dite më parë u kërkua të merret në konsideratë fakti që ofruesit e shërbimit postar kanë shprehur se dërgimi i fletëve të votimit në adresat përkatëse të votuesve jashtë vendit mund të bëhet deri në 45 ditë.

Por problemi qëndron se ashtu siç është bërë me dije më herët nga KQZ afatet për regjistrimin e subjekteve zgjedhore dhe kandidatëve, së bashku me kohën për prodhimin e fletëve të votimit datojnë rreth 10-12 ditë përpara datës së zgjedhjeve. Në çdo rast jo më parë se 30 ditë përpara.

Ndërkohë që të gjithë operatorët përfshi edhe atë publik vlerësojnë se është i pamundur dërgimi i fletëve të votimit jashtë dhe kthimi i tyre në Shqipëri në një kohë më të shkurtër se 30-45 ditë.

Praktikat e vendeve të tjera ku disa prej këtyre operatorëve janë angazhuar në votimin nga jashtë konfirmojnë afatin e dërgimit dhe të kthimit të fletëve të votimit nga jashtë, në një periudhë kohore jo më të pakët se 45 ditë./ CNA





Lajmet e fundit nga