web counter
LEXO PA REKLAMA!

SHKARKO APP

App Store
Google Play

Veliaj gënjen para anëtarëve të Kushtetueses: Më rrëmbyen nga zyra ime dhe më mbyllën në qeli

31 Tetor 2025, 11:29, Aktualitet CNA

Veliaj gënjen para anëtarëve të Kushtetueses: Më

Erion Veliaj ka gënjyer para anëtarëve të Gjykatës Kushtetuese ku është shprehur se është rrëmbyer nga zyra dhe është mbyllur në një qeli me një logjikë burgosjeje apo shoqërimi më të rëndë sesa të vrasësit serial.

Në fakt, Veliaj gënjen pasi në vend që në arrestimin e tij të merrej me pranga siç duhet në zbatim të ligjit si çdo qytetar tjetër i kësaj Republike, ai doli serbes-serbes nga zyra e tij dhe u fut në mjetin ku më pas u shoqërua për në qeli.

“Kam pritur 9 muaj për këto 9 minuta. Beteja ime për t'u dëgjuar para jush vjen pas një sage të gjatë zhgënjyese për të thënë të drejtën, për t'u dëgjuar çfarë paskam bërë që jam rrëmbyer nga zyra ku më kanë zgjedhur qytetarët dhe jam mbyllur në një qeli me një logjikë burgosjeje apo shoqërimi më të rëndë sesa të vrasësit serial.

Kam sot më shumë policë në Gjykatën Kushtetuese seç kam avokatë.

Kam përjetuar një periudhë të gjatë, të mbushur me shkelje të të drejtave të mia themelore si qytetar i kësaj republike, por mbi të gjitha një periudhë denigrimi dhe për t'u hequr zëri i një të përzgjedhuri tri herë radhazi të qytetarëve të Tiranës.

Kjo nuk është thjesht një përpjekje për të më denigruar mua, ky është një përçmim, një neveri ndaj votës, ndaj gjësë më të çmuar që ka demokracia.

Përçmimi ndaj saj është përçmimi ndaj forcës që kanë qytetarët. Është një përçmim ndaj fuqisë që populli i jep Republikës për ta drejtuar në emër të tij”, tha Veliaj.

Kujtojmë se Erion Veliaj i quante kolegë prokurorët e SPAK-ut. Shprehej se sistemi i drejtësisë ishte i duhuri, që ishte bërë investimi i duhur, si e rrëmbyen? Kolegët e rrëmbyen? Këta që ishin investimi i partisë së tij dhe votat që i dha reformës në drejtësi? Si e rrëmbyen këta Erion Veliajn? Se njëherë flet ndryshe dhe një herë tjetër ndryshe./ CNA

 





Lajmet e fundit nga