E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Vatikan/ Papa Françesku fjalim para studentëve shqiptarë, të pranishëm edhe dy ministra

5 Shkurt 2025, 15:25, Aktualitet CNA

Vatikan/ Papa Françesku fjalim para studentëve shqiptarë,

Një event i veçantë u zhvillua në Vatikan, ku Papa Françesku zhvilloi një Audiencë të Përgjithshme para 100 studentëve shqiptarë dhe akademikëve nga universitete të ndryshme të Shqipërisë dhe Italisë, si: Universiteti i Tiranës, Universiteti “Zonja e Këshillit të Mirë”, Universiteti i Mjekësisë Tiranë, Universiteti “Mesdhetar”, Universiteti i Studimeve të Perugia-s, Universiteti “La Sapienza” Itali, dhe Universiteti “Roma Tree” Itali, duke forcuar kështu edhe më shumë lidhjen kulturore dhe arsimore mes Shqipërisë dhe Selisë së Shenjtë.

Vatikan/ Papa Françesku fjalim para studentëve shqiptarë,

Të pranishëm në këtë Audiencë të Përgjithshme ishin edhe ministri për Evropën dhe Punët e Jashtme z. Igli Hasani, së bashku me ministren e Arsimit dhe Sportit z. Ogerta Manastirliu. Gjatë Audiencës së Përgjithshme, Papa Françesku vuri theksin te rëndësia e vlerave humane dhe angazhimi i përbashkët në promovimin e paqes, drejtësisë dhe vëllazërisë.

Vatikan/ Papa Françesku fjalim para studentëve shqiptarë,

Pas Audiencës së Përgjithshme, Ati i Shenjtë Françesku përshëndeti ministrat shqiptarë me delegacionet, studentët dhe akademikët e pranishëm. Pjesëmarrësit bënë gjithashtu edhe kalimin e Portës së Shenjtë, e cila hapet një herë në 50 vjet. Selia e Shenjtë e ka shpallur vitin 2025, si Vit Jubile. Sipas traditës biblike, Viti Jubilar është një vit i veçantë i faljes universale.

Në Vatikan, ministri Hasani dhe ministrja Manastirliu zhvilluan një takim edhe me Shkëlqesinë e Tij, Imzot Paul Richard Gallagher, Sekretar për Marrëdhëniet me Shtetet dhe Organizatat Ndërkombëtare. Përgjatë këtij takimi, palët u fokusuan në marrëdhëniet e shkëlqyera që ekzistojnë mes Shqipërisë dhe Selisë së Shenjtë, si dhe tek angazhimi i përbashkët për të çuar më lart progresin e këtyre marrëdhënieve.

Vatikan/ Papa Françesku fjalim para studentëve shqiptarë,

Dy ministrat u takuan gjithashtu edhe me studentë shqiptarë dhe akademikë të universiteteve shqiptare dhe italiane. Në fjalën e tij përshëndetëse, ministri për Evropën dhe Punët e Jashtme, z. Igli Hasani, vlerësoi rolin që ka rinia si burimi më i madh i vendit për të tashmen dhe të ardhmen.

“Historia na ofron një leksion të vyer: janë të suksesshëm e të begatë ata kombe që dinë t’i bashkojnë dhe jo t’i mbajnë larg, pa i shfrytëzuar, potencialet e tyre. Ajo që vlen theksuar është që, të gjithë ne, të jemi të vetëdijshëm se Shqipëria e vogël, veç pasurive të tjera, shpirtërore e materiale, ka edhe një thesar me një potencial të jashtëzakonshëm: rininë.” – teksa u bëri thirrje studentëve të aplikojnë në pozicionet e hapura në administratë publike. /CNA

Vatikan/ Papa Françesku fjalim para studentëve shqiptarë,