E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

SMS-të mes Kurtit dhe drejtorit të KEK / Mulosmani: Kartë e dështuar e opozitës

5 Shkurt 2025, 13:31, Aktualitet CNA

SMS-të mes Kurtit dhe drejtorit të KEK / Mulosmani: Kartë e

Gazetari Ermal Mulosmani ka ndarë sot pak nga ajo që e quan si kartë e dështuar e opozitës në Kosovë.

Mulosmani ka bërë një postim në rrjetet sociale ku thotë se kryeministri i Kosovës, Albin Kurti, nuk sulmohet në pikën e tij më të fortë, korrupsionin, se nuk është hajdut, por i rrezikshëm politikisht.

Sipas Mulosmanit, nga SMS-të mes Kryeministrit të Kosovës dhe Drejtorit të Korporatës Energjetike shfaqet qartë një komunikim krejt i pastër, ku nuk ka vend për teatralitet.

“Edhe një tjetër kartë e dështuar e opozitës që e vetëdëmton: Korrupsioni i Albin Kurtit.

Është publikuar një komunikim me SMS mes Kryeministrit të Kosovës dhe Drejtorit të Korporatës Energjetike. Ishte një komunikim krejt i pastër që në sytë e mi ngriti jo vetëm Kryeministrin, por edhe Drejtorin e Korporatës. Ja ku është më poshtë:

Nëse kjo bisedë do bëhej mes Edi Ramës dhe Drejtorit të KESH-it të Shqipërisë, fjala vjen, do besoja se e kanë inskenuar për t'u dukur parimorë, do ta quaja teatralitet.

Por, e publikuar nga opozita e Kosovës, pak përpara zgjedhjeve, është naivitet ekstrem.

Albin Kurti nuk sulmohet në pikën e tij më të fortë, korrupsionin. Të paktën pa pasur një aferë të fortë që e gozhdon. Nëse nuk e keni atë aferë mos i bëni publicitet.

Albin Kurti nuk është hajdut, ai është i rrezikshëm politikisht. Ai është nga ata njerëz, kafshë politike, që e jep edhe pasurinë e vet për të qenë i pari politikisht. Politika është Bibla dhe Kurani i tij.

Mirëpo unë e kam bindje tashmë, në politikë ai bën shumë më shumë dëm sesa një superhajdut në ekonomi. Korrupsioni ekonomik sigurisht është i dëmshëm e duhet luftuar, por heroizmi politik i një vendi të vogël është njëmijë herë më i dëmshëm sesa vjedhjet e paraardhësve të tij. Më e keqja e Kurtit është fakti se brenda vetes nuk ka dilema nëse kjo është zgjedhja e duhur. Ai nuk është një mashtrues, por dhjetë herë më keq, është një idealist. Këta nuk tërhiqen kurrë. Fatkeqësisht.

Kjo bisedë ishte reklamë e jashtëzakonshme”, -shprehet Mulosmani./ CNA

SMS-të mes Kurtit dhe drejtorit të KEK / Mulosmani: Kartë e