E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Tragjedia e Himarës/ Shokon Balla: Nuk do të kishte revoltë të madhe, nëse nuk do të ishte autori punonjës policie

22 Shtator 2022, 12:06, Aktualitet CNA

Tragjedia e Himarës/ Shokon Balla: Nuk do të kishte revoltë

Tragjedia e Himarës ku humbi jetën një 7 vjeçare pas goditjes nga skafi që drejtohet nga komisari i Policisë Arjan Tase, është rikthyer sot në Kuvend.

Kur kanë kaluar më shumë se një muaj nga përgjakja e plazhit të Potamit, kreu i grupit socialist, Taulant Balla thotë po mos të ishte autori, punonjës policie, nuk do të kishte të gjithë atë reagim e revoltë.

Me logjikën e Ballës, nëse do ta kishte vrarë dikush tjetër të miturën s’ kishte reagime të shumta.

Pas kësaj deklarate, Balla ka ndjekur linjës e kyreministrit duke ia kaluar fajin prokurorit që ka hetuar më herët Arjan Tasen, e duke folur për grupin “KÇK”.

Por asnjë fjalë nuk tha Balla për sigurinë detare, pse Arjan Tase apo kushdo tjetër bën manovra me mjete lundruese në breg te detit, duke rrezikuar pushuesit.

“Marr shkas t’i kthej përgjigje edhe një kolege tjetër që përmendi ngjarjen e Himarës. Asnjë në këtë sallë të paktën nga të majtët, nuk e ka harruar ngjarjen tragjike të Himarës, ku një vogëlushe humbi jetën. Për çdo qytetar ndjenja e madhe e revoltës ishte fakti kush e kreu aksidentin. E kreu një punonjës policie. Në fakt të vetmit që kishin reagimin më njerëzor ishin familjarët e vogëlushes.

Natyrshëm për atë lloj tragjedie as atë ditë dhe as edhe sot unë personalisht e besoj, nuk gjej dot të jap një ngushëllim. Një element duhet sjellë në vëmendje sot dhe që ka të bëjë me një fakt që ky personi që kreu atë aksident nuk duhet të ishte në atë pozicion.

Strukturat e kishin flakur nga policia dhe pastaj u shfaq një prokuror nga ekipi i KÇK që këtë person e riktheu në polici. Prandaj unë mendoj që kur flasim, kur marrim përsipër të bëjmë edhe gjyqtarin edhe prokurorin, duhet ti marrim faktet një për një.

Ky është rasti që të kuptojmë se sa e rëndësishme paska qenë reforma. Një idiot që flaket nga polica gjen një idiot tjetër në sistem të drejtësisë, bëjë pazarin dhe natyrshëm që kemi raste të tilla të revoltës. Nuk do të kishte ajo ngjarje këtë revoltë të madhe nëse nuk do të ishte punonjës policie ai që e kreu. Prokurori që kishte kthyer këtë personin e ka fshirë vettingu”, është shprehur Balla./CNA.al