E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Tragjedia e Gërdecit/ Mediu: Zero përgjegjësi! Si Ministër i Mbrojtjes nuk kam shkelur ligjin, asnjë dëshmi kundër

9 Nëntor 2023, 18:08, Aktualitet CNA

Tragjedia e Gërdecit/ Mediu: Zero përgjegjësi! Si Ministër i

Ish-ministri i Mbrojtjes, Fatmir Mediu

Ish-ministri i Mbrojtjes, Fatmir Mediu ka reaguar lidhur me çështjen e Gërdecit.

Përmes një postimi në rrjetet sociale ai ka bërë me dije se procesi gjyqësor kundër tij është përqendruar tek dëshmitë e familjarëve që kanë humbur të afërmit apo ish të punësuarve, specialistëve ish-ushtarakë në fabrikën e Gërdecit.

Ai thotë se lidhur me rastin në fjalë ka zero përgjegjësi, sepse si Ministër i Mbrojtjes nuk ka shkelur ligjin, nuk ka favorizuar askënd, thotë se ka respektuar opinionin e ekspertëve ushtarakë, dhe Shefit të Shtabit.

Mediu bën me dije se asnjë dëshmitar nuk ka dëshmuar kundër tij si dhe shprehet se është i vendosur të mbrojë vendimet e tij të drejta dhe të ligjshme.

Postimi i plotë:

Të dashur miq.
????Këto ditë, por veçanërisht sot, pas seancës gjyqësore, ka patur një interesim të medias që duan të njihen me vlerësimin tim për procesin me aktakuzën e shpërdorimit të detyrës më çështjen e Gërdecit.
????Nuk ka asnjë interes politik, proces, shpërblim apo ndëshkim që zhbën tragjedinë, ku humbën jetën 26 persona dhe kjo ka qënë arsyeja që kam dhënë dorëheqjen si Ministër i Mbrojtjes.

????Por drejtësia nuk mund të jetë kurrë e drejtë, nëse bën një padrejtësi të re.
????Deri tani, procesi gjyqësor kundër meje është përqendruar tek dëshmitë e familjarëve që kanë humbur të afërmit apo ish të punësuarve, specialistëve ish-ushtarakë në fabrikën e Gërdecit.
????Dëshmitarët janë thirrur nga akuza, por, deri tani, asnjë dëshmitar nuk ka bërë qoftë edhe dëshminë më të vogël kundër meje. Dëshmitarët e akuzës kanë provuar se nuk kam patur asnjë lidhje me zbatimim e procesit. Ata kanë pohuar se nuk kam qenë kurrë në fabrikën e demontimit apo të kem pasur lidhje, qoftë edhe spontane me ata që janë marrë me këtë proces.
????Zero përgjegjësi! Sepse si Ministër i Mbrojtjes nuk kam shkelur ligjin, nuk kam favorizuar askënd, kam respektuar opinionin e ekspertëve ushtarakë, dhe Shefit të Shtabit.
????Në detyrën time jam drejtuar nga interesi publik shtetëror, jo nga interesi privat.
????Në lidhje me (pa)ligjshmërinë e procesit dua të vë në dukje se drejtësia nuk mund të bëhet kurrë e tillë, kur qëllimi i saj bëhet politika apo manipulimi i opinionit publik dhe jo zbatimi i ligjit dhe i Kushtetutës. Për këtë do të kemi rast të flasim më gjatë një herë tjetër. Jam i vendosur të mbroj vendimet e mia të drejta dhe të ligjshme./ CNA