web counter
LEXO PA REKLAMA!

SHKARKO APP

App Store
Google Play

E fundit!

x

"Të njihen diplomat e mësuesve para vitit 2015", Zhupa dorëzon projektligjin në Kuvend

24 Nëntor 2025, 11:05, Aktualitet CNA

"Të njihen diplomat e mësuesve para vitit 2015", Zhupa

Deputetja e Partisë Demokratike, Ina Zhupa, ka dorëzuar në Kuvend një projektligj të ri. Ky ligj, sipas saj, synon të rikthejë trajtimin financiar të barabartë për rreth 11 mijë mësues, duke u garantuar atyre të drejtat dhe shpërblimet financiare njësoj si kolegëve që janë diplomuar pas vitit 2015.

Në postimin e ndarë në rrjetet sociale, Zhupa tha se ky projektligj u vjen në ndihmë mësuesve, të cilët kanë zhvilluar një betejë të gjatë ligjore që pas miratimit të një VKM-je që zhvlerësonte diplomat e tyre dhe i trajtonte ato më pak se kolegët që kanë përfunduar studimet pas vitit 2015.

Përfaqësueset e Sindikatës së Bashkuar të Arsimit Shqiptar, që ishin të pranishme në dorëzimin e projektligjit, e vlerësuan këtë iniciativë si një hap të rëndësishëm drejt njohjes së kontributit të mësuesve dhe përmirësimit të kushteve të tyre të punës. Zhupa tha se Kuvendi duhet ta miratojë sa më shpejt këtë projektligj, në mënyrë që të garantohen të drejtat e mësuesve dhe të përmirësohet cilësia e arsimit në vend.

Postimi i plotë:

Dorëzova në prezencën e mësueseve dhe kryetares së Sindikatës së Bashkuar të Arsimit Shqiptar, një projektligj të rëndësishëm që synon të mbrojë të drejtat e mësuesve, të cilët janë diskriminuar pas miratimit të një VKM-je që zhvlerësoi diplomat e tyre para vitit 2015.

Gentjana Hoxhallari, mësuese e ciklit fillor, u shpreh: “Pas 25 vitesh punë, diploma ime zhvlerësohet dhe nuk paguhem në të njëjtën mënyrë si kolegët e mi. Ky ligj është shpresa jonë për të marrë vlerën e merituar.”

Po ashtu, Teuta Langa, mësuese e edukimit fizik, theksoi se, edhe pas 38 vitesh punë, diplomas së saj nuk i është njohur plotësisht dhe shpërblimi financiar nuk është i barabartë me kolegët që kanë përfunduar studimet më vonë.

Alma Lama, kryetare e sindikatës u shpreh se: Ne jemi shumë të nderuara që na mbështetët është hera e dytë që ju na dolët në krah. Sepse ne bëmë edhe një betejë në Gjykatën Kushtetuese ku vendimarrja u nda 4 me 4 dhe nuk morëm dot një vendim.

Ky projektligj ka për qëllim të sigurojë trajtim të barabartë financiar për të gjithë mësuesit, pa marrë parasysh vitin kur kanë përfunduar studimet, dhe të njohë kontributin e tyre të shtrenjtë në arsim. Ky ligj është një mundësi për të rregulluar padrejtësitë dhe për të përmirësuar karrierën, motivimin dhe shpërblimin e 11 mijë mësuesve në sistemin parauniversitar.

Shpresoj që ky projektligj të kalojë pa barrierat e politikës dhe të miratohet sa më shpejt, në emër të drejtësisë dhe mbështetjes për mësuesit! /CNA





Lajmet e fundit nga