web counter
LEXO PA REKLAMA!

SHKARKO APP

App Store
Google Play

E fundit!

x

"Takim pas orës 6"/ Milaim Zeka tregon se si shefat i "ngacmuan" gruan

12 Tetor 2022, 13:07, Aktualitet CNA

"Takim pas orës 6"/ Milaim Zeka tregon se si shefat i

Gazetari i njohur Milaim Zeka, i cili njihet për deklaratat e tij të drejtpërdrejta, ka treguar një episod se si gruaja e tij ka përjetuar ngacmimin në vendin e punës. 

Përmes një lidhjeje direkte në emisionin "Wake Up", teksa po diskutohej tema lidhur me "lakuriqësinë në ekrane" dhe rritjen në karrierë të njerëzve që kanë pasion median, gazetari fillimisht u shpreh se shumë fytyra publike dhe prezantuese të spektakleve të jashtëzakonshme, janë larguar nga puna se janë ngacmuar nga shefat.

“Ne e dimë që ka fytyra, alamet fytyrash publike, edhe prezantuese të spektakleve të jashtëzakonshme në Shqipëri dhe Kosovë, që janë larguar nga puna për shkak të ngacmimeve seksuale që kanë ardhur nga drejtorët e televizionit, nga kryeredaktorët e televizioneve.

Këta faqezi mblidhen në klube të veçanta, pinë pije të shtrenjta, tregojnë kollaret sa dollarë i kanë blerë, sa kanë blerë orët dhe në fund tregojnë se me cilat kolege kanë qenë mbrëmë në filan hotel dhe me cilat do të shkojnë nesër.

Krenohen. Nuk kam parë në asnjë vend të botës që njeriu të thotë e kam lodhur filan femër, dhe imagjino sa lodhet një femër prej një gjëje 56 gramë, por këta krenohen. Sepse nuk mund të krenohen me gjëra të tjera”, tha gazetari i njohur.

Më pas në vijim të diskutimit Zeka tregoi edhe disa raste kur bashkëshortja e tij ka aplikuar për punë dhe shefat i kanë caktuar një orar takimi pas orës 18:00. 

“Gruaja ime ka dy akademi të kryera dhe kudo që ka kërkuar punë në Kosovë, çdo punëdhënës i ka telefonuar dhe i ka kërkuar ‘a mund të takohemi për intervistë pas orës 6’.

Duke mbajtur mbiemrin e saj, i ka thënë ‘po në rregull, a ta marr burrin me vete’. Ata e kanë pyetur ‘ua je e martuar, me kë?’. Me Milaim Zekën”, përfundoi ai./CNA.al





Lajmet e fundit nga