web counter
LEXO PA REKLAMA!

SHKARKO APP

App Store
Google Play

“Struktura mafioze politikë-incenerator-media”/ Ahmetaj: "Top Channel" ka marrë miliona euro

28 Janar 2025, 07:59, Aktualitet CNA

“Struktura mafioze politikë-incenerator-media”/ Ahmetaj:

Ish-zëvendëskryeministri Arben Ahmetaj në një intervistë me Çim Pekën në "Syri TV" ka folur për një strukturë siç e ka quajtur ai gjysmë mafioze, politikë-incenerator-media.

Ahmetaj ka deklaruar se media është "Top Channel", që sipas ish-zëvendëskryeministri ka marrë miliona euro nga inceneratorët përmes transaksioneve.

“Vazhdojmë te media. Njëra merr tender korrupsioni, njëra paguhet nga plaçkitësja, tjetri merr pronat shtetërore, tjetri kërcënohet… mirë mo, ka një fund kjo??? Unë kam këtu një pjesë të vendimit të inceneratorit të Tiranës, të hetimit. Nuk do merrem as me cilësinë, as me sipërfaqësinë, as me shkurtimin, as me heqjen, as me grisjen e urdhër-arresteve, nuk do merrem. Do merrem me verifikimin e asaj që kam thënë në shkurt të vitit 2023, që ka një strukturë gjysmë mafiozë politikë-incenerator-media. 'Top Channel' është media. Këtu vërtetohen transaksionet midis pronarëve të 'TCH', ish-kryeredaktorit të 'TCH' miliona euro. Nuk me besuan shqiptarët, sepse dilte 'TCH', nuk ka shkuar deri në fund, po nuk do Altin Dumani të shkojë deri në fund, kjo është dosje e SPAK. Sot 'Top News' dhe 'TCH' janë televizione të qeverisë. Jemi në 2025, si mundet more një televizion kombëtar të vihet kundër meje se do kreu i organizatës", deklaroi Ahmetaj./ CNA





Lajmet e fundit nga