E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Spaho hap dosjen e tij/ S’ka qenë spiun i sigurimit

4 Nëntor 2022, 12:24, Aktualitet CNA

Spaho hap dosjen e tij/ S’ka qenë spiun i sigurimit

Deputeti demokrat, Edmond Spaho

Deputeti demokrat, Edmond Spaho, i është përgjigjur me dokumente ministrit të Drejtësisë, Ulsi Manja, i cili gjatë deklaratave të tij në Kuvend e akuzoi si bashkëpunëtor të ish-sigurimit të Shtetit.

Ai ka publikuar dokumentacionin e tij të marrë nga Autoriteti i dosjeve ku thuhet se Edmond Spaho nuk ka qenë bashkëpuntor aktiv i ish-Sigurimit të Shtetit, sipas përcaktimeve të ligjit, apo denoncues ose dëshmitar i akuzës në procese të posaçme pas mbushjes se moshës 18 vjeç.

“Te nderuar miq,

Ne daten 6 Tetor, gjate seances ne Kuvendin e Shqiperise, Ministri i Drejtesise Ulsi Manja me akuzoi pa fakte si bashkepunetor i ish- Sigurimit te Shtetit gjate viteve te diktatures.

Ne reagimin tim ju drejtova Ulsi Manjes te me kerkonte ndjese, pasi kjo ishte shpifje e ulet, por ai kembenguli ne qendrimin e tij.

Megjithese gjate 30 vjeteve jam verifikuar disa here per integritetin e figures, vendosa te heq dore nga verifikimet e mepareshme dhe ti kerkoj Autoritetit te Dosjeve hetim te ri dhe te thelluar te figures sime.

Pas kater javesh, Autoriteti i Dosjeve me ka njoftuar se, bazuar mbi dokumentacionin qe disponon, ka marre vendimin e meposhtem:

1. Edmond Spaho nuk ka mbajtur gjate kohes se diktatures asnje nga funksionet qe ligji i ndalon te marrin funksione publike si anetar apo kandidat i Byrose Politike, anetar i KQ, anetar i Presidiumit te Kuvendit Popullor, anetar i Keshillit te Ministrave, Prokuror i Pergjithshem, Kryetar i Hetuesise se Pergjitheshme, Kryetar i degeve te puneve te brendeshme, anetar i Komisionit Qendror te Internim-Debimeve, hetues, prokuror, gjyqtar ne procese te posacme politike apo punonjes i nivelit te larte te organeve te ish-Sigurimit te Shtetit.

2. Edmond Spaho nuk ka qene bashkepuntor aktiv i ish-Sigurimit te Shtetit, sipas percaktimeve te ligjit, apo denoncues ose deshmitar i akuzes ne procese te posacme pas mbushjes se moshes 18 vjec.

3. Edmond Spaho nuk ka qene person me te dhena nga ish-Sigurimi i Shtetit per spiunazh ose terrorizem.

Per transparence me opinionin publik, bashkelidhur keni vendimin e Autoritetit te Dosjeve.

Falenderoj te gjithe ata qe nuk humben besimin ndaj meje dhe i garantoj qe mua nuk me shantazhon dot askush, as me dosje korrupsioni dhe as me dosje te ish-Sigurimit te Shtetit.

Duke ruajtur respektin me te madh per opinionin publik, anetaresine e PD dhe elektoratin qe perfaqesoj, me lejoni qe kete dokument tjua ofroj edhe lehsave te majte por edhe ndonje te "djathti" qe gjate gjithe kesaj kohe kane lehur se zbuluan spiunin ne PD.

Ju faleminderit!”, shkruan Edmond Spaho./ CNA.al