web counter
LEXO PA REKLAMA!

SHKARKO APP

App Store
Google Play

E fundit!

x

Sot hyn në fuqi rritja e pagave për 135 mijë punonjës të administratës publike

1 Korrik 2024, 07:48, Aktualitet CNA
Sot hyn në fuqi rritja e pagave për 135 mijë punonjës
Foto ilustruese, marrë nga Google

Nga sot, më 1 korrik, hyn në fuqi vendimi i qeverisë për rritjen e pagave për 135 mijë punonjës të administratës publike.

Pagat do të rriten për të gjitha profesionet, duke bërë që paga mesatare në administratë të kalojë mbi 100 mijë lekë në muaj bruto.

Kategoritë që përfitojnë nga rritja e pagave:

Ushtria

-Për ushtarin bazë, me rritjen e sotme paga e tij shkon në 71 mijë lekë.
-Rreshteri, 80 mijë lekë.
-Majori, 107 mijë lekë.
-Koloneli, 158 mijë e 500 lekë.
-Gjenerali, 190 mijë lekë.
-Të gjitha këtyre pagave u shtohet një trajtim ushqimor, prej 16 mijë lekësh.

Zjarrfikësit

-Asistent Zjarri (grada më e ulët) 60 mijë lekë
-Zjarrfikës 65 mijë lekë
-Kryezjarrfikës 70 mijë lekë

-Kryeinspektor zjarrfikës 85 mijë lekë
-Inspektor zjarrfikës 75 mijë lekë
-Komisar zjarrfikës 105 mijë lekë
-Drejtues zjarrfikës 155 mijë lekë
-Drejtues i parë zjarrfikës 140 mijë lekë
-Drejtues i lartë zjarrfikës 160 mijë lekë

Sistemi arsimor

-Paga e mësuesit në arsimin e mesëm të lartë që ka kualifikimin dhe që ka vjetërsi mbi 15 vite pune eksperiencë do shkojë 98 500 lekë.
-Paga mesatare e mësuesit në arsimin e mesëm të ulët me mbi 15 vite vjetërsi shkon nga 75 800 në 96 000 lekë.
-Mësuesit e ciklit fillor ku paga mesatare me mbi 15 vite eksperiencë nga 72 mijë lekë paga shkon në 95 200 lekë.
-Punonjësit e shërbimit psiko-social, paga mesatare shkon 910 euro.
-Për oficerët e sigurisë 800 euro në muaj si pagë mesatare.

Sistemi shëndetësor

-Të gjithë mjekëve të përgjithshëm u rritet paga me 20 mijë lekë mbi pagën ekzistuese.
-Të gjithë infermierëve u rritet paga me 15 mijë lekë mbi pagën ekzistuese.
-Përfitojnë edhe punonjësit e administratës së sistemit shëndetësor, 15 deri në 20 për qind të pagës së tyre aktuale.

Sektori i burgjeve

-Rritja e pagave varion nga 13 deri në 27 për qind.
-Rritja shkon nga 6 mijë lekë, deri në 33 mijë e 600 lekë e përshkallëzuar sipas gradave.
-Aspirantët, pjesë e strukturës së Policisë së Burgjeve dhe do paguhen me 80 për qind të pagave të inspektorit./CNA 





Lajmet e fundit nga