web counter
LEXO PA REKLAMA!

SHKARKO APP

App Store
Google Play

Censi i popullsisë në Shqipëri/ Reagon ashpër Shkupi zyrtar: Shifrat për minoritetin, të pasakta

30 Qershor 2024, 14:46, Aktualitet CNA
Censi i popullsisë në Shqipëri/ Reagon ashpër Shkupi zyrtar:
Fotomontazh

Pas publikimit të Censit të popullisë në Shqipëri ka reaguar edhe Ministria e Jashtme e Maqedonisë së Veriut, e cila shpreh shqetësim, duke thënë se të dhënat për numrin e maqedonasve në vendin tonë nuk janë të sakta.

Po ashtu, Shkupi zyrtar shpreh pakënaqësi dhe reagon ashpër për përdorimin e termit “maqedonas verior”.

Për të gjitha këto, ministria e Jashtme e Maqedonisë së Veriut ka vendosur të thërrasë ambasadorin e saj në Tiranë, Danço Markovski për konsultime urgjente, për të sqaruar siç thuhet në njoftim “mangësitë dhe mospërputhjet në këtë proces”.

“Parregullsitë teknike në mënyrën e zbatimit të tij, të cilat janë vënë në dukje vazhdimisht nga shoqatat maqedonase në Republikën e Shqipërisë në prag të regjistrimit, por edhe gjatë zbatimit të tij, kanë rezultuar në publikimin e të dhënave paraprake, të cilat fatkeqësisht, nuk pasqyrojnë në mënyrë adekuate numrin real të maqedonasve etnikë në vend.

Të gjitha çështjet e hapura ndërmjet dy shteteve fqinje duhet të zgjidhen përmes dialogut dhe mirëkuptimit të ndërsjellë dhe respektimit të rregullave, parimeve dhe vlerave të rendit juridik ndërkombëtar”, thuhet në njoftimin e ministrisë./ CNA

Censi i popullsisë në Shqipëri/ Reagon ashpër Shkupi zyrtar:





Lajmet e fundit nga