web counter
LEXO PA REKLAMA!

SHKARKO APP

App Store
Google Play

Shpëtohen 2 turistë lituanezë, u bllokuan në Gjirin e Anglezit në Karaburun

8 Qershor 2024, 09:46, Aktualitet CNA
Shpëtohen 2 turistë lituanezë, u bllokuan në Gjirin e
Foto nga operacioni i shpëtimit të turistëve

Shpëtohen 2 turistë lituanezë, të cilët ishin bllokuar në Gjirin e Anglezit në Karaburun.

Turistët ndodhen në gjendje shumë të mirë shëndetësore. 

Njoftimi i Policisë: 

Gjiri i Anglezit, Karaburun/Policia Kufitare Himarë iu vjen në ndihmë 2 turistëve lituanezë të cilët ishin bllokuar në Gjirin e Anglezit. Mbrëmjen e djeshme, salla operative e Policisë Vlorë ka marrë njoftim për 2 turistë lituanezë që ishin duke bërë ecje në vendin e quajtur “Gjiri i Anglezit”. Ata e kishin të pamundur të vazhdonin lëvizjen, pasi nuk ndiheshin mirë dhe nuk mund të vazhdonin më tej.

Menjëherë pas marrjes së njoftimit, janë organizuar shërbimet e Policisë Kufitare për t'iu ardhur në ndihmë turistëve.
Pas disa orë kërkimesh, shërbimet e Policisë lokalizuan dhe gjetën 2 turistët e huaj, të cilët më pas u shoqëruan me mjetin e Policisë Kufitare, në Himarë, ku ata ndodhen aktualisht në gjendje të mirë shëndetësore.

Turistët kanë falëmderuar shërbimet e Policisë për reagimin e menjëhershëm dhe profesionalizmin e treguar. Policia Kufitare e Vlorës është e angazhuar maksimalisht në shërbim të qytetarëve dhe vizitorëve, për të krijuar një ambient sa më të sigurt./CNA 





Lajmet e fundit nga