web counter
LEXO PA REKLAMA!

SHKARKO APP

App Store
Google Play

“Shkartisja” e qeverisë, Ivi Kaso: Ndryshimet prelud i vendimit të Ramës për mos heqjen e imunitetit

26 Shkurt 2026, 22:37, Aktualitet CNA

“Shkartisja” e qeverisë, Ivi Kaso: Ndryshimet prelud i vendimit

Deputeti i Partisë Demokratike, Ivi Kaso, ka reaguar pas ndryshimeve të fundit në qeveri, duke i cilësuar ndryshimet si prelud të një vendimi që, sipas tij, do të merret nga kryeministri Edi Rama për mosheqjen e imunitetit të Belinda Ballukut.

I ftuar në emisionin Opinion, Kaso u shpreh se lëvizjet e sotme në kabinetin qeveritar janë një përpjekje për të zhvendosur vëmendjen nga çështjet ligjore që po hetohen nga Struktura e Posaçme kundër Korrupsionit dhe Krimit të Organizuar.

Sipas tij, SPAK ka akuzuar zyrtaren në fjalë për ndërhyrje në një hetim në vazhdim, duke intimiduar dhe kërcënuar dëshmitarë. Organi i akuzës ka kërkuar gjithashtu marrjen e një mase më të rëndë sigurie ndaj saj.

Kaso theksoi se vendimi i Ramës pritet të tregojë, sipas tij, nëse mazhoranca do të lejojë drejtësinë të veprojë e pavarur apo do të pengojë procesin përmes mosheqjes së imunitetit.

“Ndryshimet e sotme janë preludi i vendimit të nesërm të Edi Ramës për mos heqjen e imunitetit të saj. Akuzohet nga SPAK se ka ndërhyrë në hetimin në vazhdim ndaj saj duke intimiduar dhe kërcënuar dëshmitarët. SPAK kërkon marrjen e një mase më të rëndë”, tha Ivi Kaso./ CNA





Lajmet e fundit nga