web counter
LEXO PA REKLAMA!

SHKARKO APP

App Store
Google Play

E fundit!

x

Rama me ministrat e tij kanë vjedhur 8.2 miliardë euro/ Hap drejt falimentimit ekonomik

8 Nëntor 2022, 15:11, Aktualitet CNA
Rama me ministrat e tij kanë vjedhur 8.2 miliardë euro/ Hap drejt
Foto ilustruese

Kreu i PD-së, Sali Berisha, ka hedhur akuza të forta ndaj qeverisë, teksa ka folur për buxhetin e shtetit.

Në një deklaratë për mediat Berisha tha se Rama dhe ministrat e tij kanë vjedhur 8.2 miliardë euro.

Ndër të tjera, Berisha u shpreh se buxheti është një hap drejt falimentimit ekonomik të Shqipërisë.

“Për çdo vend, debati më i rëndësishëm është debati për buxhetin, por për Shqipërinë kjo nuk ndodh.

Dhe kjo nuk ndodh për dy arsye. Arsyeja e parë është sepse buxheti është i vjedhur para se të votohet. Gjithçka në zëra është falsitet mbasi siç kanë faktuar zhvillimet dhe në mënyrë të veçantë KLSH, aty vidhet në masën më të madhe të tij.

Ju jeni dëshmitarë se si në 7 vite sipas KLSH-së janë vjedhur nga Edi Rama dhe ministrat e tij 8.2 miliardë euro dhe u garantoj se ky buxhet është një fatkeqësi e re tjetër se prapa çdo zëri të madh qëndron një vjedhje e madhe.

Këta nuk kanë të ndalur, por vjedhja me buxhetin është një vjedhje e dyfishtë, është jashtëzakonisht e keqe prifide se në një anë vidhen fonde dhe shpërdorohen dhe përfundojnë në kontot e zyrtarëve dhe qytetarët nga taksat e tyre shohin në vitin e 9 pas nëntë buxheteve punë publike absolutisht më të pakta sesa të një viti buxhetor.

Por në qoftë se shohin punë publike më të pakta se një vit buxhetor, një barrë e tmerrshme rëndon mbi shqiptarët borxhi që qeveria merr për buxhetin.

Edi Rama po shkatërron si një fuqi e së keqes të ardhmen e këtij kombi së pari me largimin masiv nga Shqipëria të të rinjve shqiptarë, së dyti, me borxhin e tmerrshëm që u vendos qytetarëve shqiptarë. Pas 20 vitesh një fëmijë që lind në Shqipëri do të jetë borxhli me 21 mijë euro.

Në këtë kontekst ky buxhet shënon një rritje tjetër të Borxhit Publik, shënon një hap të rëndësishëm në falimentimin e plotë ekonomik të Shqipërisë.

Ju jeni dëshmitarë se aferat e Edi Ramës nga sipërmarrjet personale te vendimet personale kundër sipërmarrësve të tjerë së shpejti tejkalojnë 1 miliard euro, personale, pasi borxhet e arbitrazhit tejkalojnë gjysmë miliardi euro. Procese të shumta janë në arbitrazh të garantuar me humbje 100% për të mos thënë se shiten vetë”, tha Berisha./ CNA.al





Lajmet e fundit nga