web counter
LEXO PA REKLAMA!

SHKARKO APP

App Store
Google Play

Rama me banorët e zonës Librazhd-Përrenjas: Makineria e baltës politike e mediatike tundi 700 tenxheret me shpifje

7 Mars 2026, 14:21, Aktualitet CNA

Rama me banorët e zonës Librazhd-Përrenjas: Makineria e

Kryeministri Edi Rama zhvilloi një inspektim në aksin Librazhd–Përrenjas për të parë punimet dhe për të sqaruar publikun lidhur me shembjen e një segmenti prej 150 metrash të aksit Librazhd-Përrenjas.

Ai theksoi se dëmtimi i rrugës ishte rezultat i një fenomeni natyror dhe jo i korrupsionit, duke u shprehur se në media dhe politikë është përhapur një rrebesh baltë akuzash dhe shpifjesh.

Kryeministri theksoi rëndësinë strategjike të Korridorit 8 për Shqipërinë, duke shtuar se investimi në këtë aks e vendos vendin në një pozicion të rëndësishëm në lidhjen e zonave juglindore.

Ai siguroi se punimet do të vijojnë me prioritet për sigurinë dhe stabilitetin e rrugës, edhe përballë kushteve të vështira atmosferike.

“Qëllimi i kësaj vizite ishte të shikonim nga afër për t’ia treguar edhe publikut atë plagën e hapur prej 150 metrash që ka shkaktuar këtë shqetësim, por dhe një rrebesh balte të jashtëzakonshëm nga makineria e baltës politike e mediatike që ka tundur 700 tenxheret me gjithfarëlloj akuzash, shpifjesh dhe fantazish, që medemek u shemb rruga nga korrupsioni kur është e qartë se segmenti është segment i vjetër dhe lidhet me një fenomen natyror.

Më shpejt sesa e vërteta ngre pantallonat është eksperiencë e përditshme dhe shpejtësia e gënjeshtrës është shumë më e madhe se atëherë kur e tha populli, e vërteta është në vështirësi të madhe për shkak të vorbullave dhe urganave të gënjeshtrave që vijnë nga katër anët nga telefonat apo kanalet e medias.

Më vjen keq që ka shkaktuar shqetësime, ka prishur ritmin e jetës për shumë banorë. Sot jemi këtu për të bërë qartësi mbi një kalendar pune dhe mbi afatet e reja që ne i kemi vënë vetes. Korridori 8 është aks strategjik që më në fund po bëhet realitet dhe e vendos Shqipërinë në një tjetër pozicion”, tha Rama./ CNA





Lajmet e fundit nga