web counter
LEXO PA REKLAMA!

SHKARKO APP

App Store
Google Play

E fundit!

x

Pushteti vendor në sitë të KLSH-së/ Filtrohen financat e Bashkisë së Cërrikut

1 Tetor 2022, 10:59, Aktualitet CNA

Pushteti vendor në sitë të KLSH-së/ Filtrohen financat e

Bashkitë e vogla kanë kaluar në sitë nga Kontrolli i Lartë i Shtetit.

Një ndër ta është edhe Bashkia Cërrik, ku KLSH e ka kryer auditin përgjatë muajit qershor 2022.

Auditi është kryer nga data 13.6.2022 deri në datë 23.6.2022, për periudhën nga data 01.01.2021 deri më 31.12.2021, duke u përqendruar kryesisht në hartimin e pasqyrave financiare viti 2021.

Gjetjet e auditit në financat e Bashkisë Cërrik

Pushteti vendor në sitë të KLSH-së/ Filtrohen financat e

Llogaria 202 “Studime dhe kërkime” është nënvlerësuar për 5,989,972 lekë.

Për vitin 2021, duke identifikuar dhe fletë hyrjet dhe fletë daljet e magazinës për projektet e studim kërkimit, janë konstatuar 7 projekte me kosto historike 9,287,169 lekë, të bëra hyrje në vitin 2019, 2020 dhe 2021.

Dhe janë kapitalizuar në bilancin 2021 me kosto historike 3,297,197 lekë. Nuk është njohur në bilancin kontabël 2021 vlera 5,989,972 lekë.

Inventari kontabël i aktiveve materiale në qarkullim gjendje në fund të vitit 2021 janë azhornuar bruto të gjitha investimet e kryera për të gjithë aktivet brenda llojit, pa i ndarë dhe përmbledhur në një vlerë të vetme totale për çdo aktiv.

Për këto aktive mungojnë kartelat kontabël apo regjistri historik për çdo aktiv me të dhënat për veprimet ekonomike të kryera me to në vite si: viti i hyrjes, përshkrimin e aktivit, vlerën e blerjes, vlerën e shpenzimeve kapitale të kryera në vitet e mëpasshme që sjellin rritje të vlerës së aktivit, vlerën e akumuluar të amortizimit dhe vlerën e mbetur.

Nga verifikimi i përllogaritjeve të amortizimit të AAGJ materiale në qarkullim, rezulton se përllogaritja është bërë mbi vlerën neto në çelje te periudhës ushtrimore për çdo grup aktivesh sipas klasifikimit, duke aplikuar normat ligjore të amortizimit.

Por konstatohet se amortizimi është llogaritur për grup aktivesh në total dhe jo aktiv për aktiv, duke mos përllogaritur saktësisht amortizimin, pasi aktive të ndryshme kanë vlerë të ndryshme amortizimi të akumuluar sepse kanë kohë (vite) të ndryshme përdorimi.

Në mungesë të regjistrit të aktiveve me të dhënat si: viti i hyrjes, përshkrimin e aktivit, vlerën e blerjes, vlerën e shpenzimeve kapitale të kryera në vitet e mëpasshme që sjellin rritje të vlerës së aktivit, vlerën e akumuluar të amortizimit dhe vlerën e mbetur për çdo aktiv u bë e pamundur sondazhi i përllogaritjes së  amortizimit për aktive të veçanta në llogari të ndryshme si dhe përllogaritja e saktë e amortizimit të aktiveve për të bërë diferencën./CNA.al





Lajmet e fundit nga