web counter
LEXO PA REKLAMA!

SHKARKO APP

App Store
Google Play

Protesta e opozitës, tensione dhe përplasje me policinë në disa pika kyçe të Tiranës

28 Shkurt 2026, 22:23, Aktualitet CNA

Protesta e opozitës, tensione dhe përplasje me policinë në

Opozita zhvilloi pasditen e sotme protestën e radhës para Kryeministrisë duke kërkuar largimin e kryeministrit Edi Rama dhe qeverisë.

Protesta zgjati rreth 4 orë duke u karakterizuar nga thirrje e protestuesve pasi këtë herë nuk pati fjalime në podiume nga eksponentë dhe drejtuesit e opozitës.

Protestuesit u mblodhën fillimisht përpara Kryeministrisë, për të vijuar më pas marshimin drejt Drejtorisë së Policisë së Shtetit. Më tej, ata u zhvendosën pranë Parlamentit dhe në fund drejt Drejtorisë Vendore të Policisë, duke bllokuar përkohësisht disa akse rrugore kryesore të qytetit.

Gjatë lëvizjes së turmës u regjistruan momente tensioni dhe përplasje me forcat e rendit. Protestuesit hodhën molotovë dhe shishe me benzinë në koshat e mbeturinave, si dhe në drejtim të vilës së ish-diktatorit Enver Hoxha. Si pasojë, në disa zona pati flakë dhe tym, duke rritur tensionin në terren.

Policia reagoi duke përdorur ujë me presion dhe gaz lotsjellës për të shpërndarë turmën dhe për të rimarrë kontrollin e situatës. Mes personave të prekur nga gazi lotsjellës ishte edhe kreu i Partisë Demokratike, Sali Berisha, i cili ndodhej mes protestuesve.

Deri në mbyllje të protestës nuk u raportua për persona të shoqëruar apo të lënduar.

Pas përfundimit të tubimit, Berisha deklaroi se opozita do të vijojë aksionin e saj dhe se, sipas tij, “asgjë nuk do ta ndalë opozitën përballë regjimit”. Ai bëri të ditur se për protestën e radhës do të ketë një njoftim në një moment tjetër.

Protesta u zhvillua nën masa të shtuara sigurie, me prani të konsiderueshme të forcave të policisë në institucionet kryesore shtetërore dhe në akset kryesore të kryeqytetit./ CNA





Lajmet e fundit nga